fbpx

علاش هو أكاهو؟

علاش المسيح أكاهو مش اي حد اخر؟ علاش هو الوحيد المنقذ وهو الطريق الوحيد للجنة؟

أول حاجة السيد المسيح هو الوحيد المولود من روح الله. مفمّا حتى بشر في التاريخ تولد من روح الله وماعندوش أب بشري. حتى بونا ادم يقولنا الكتاب المقدّس انو نفخ فيه الله نسمة حياة أما ماهوش مولود من روح الله كيما يسوع المسيح. في الانجيل مكتوب:

فَقَالَتْ مَرْيَمُ لِلْمَلَاكِ: ”كَيْفَ يُمْكِنُ هَذَا وَأَنَا عَذْرَاءُ؟“ أَجَابَهَا الْمَلَاكُ: ”الرُّوحُ الْقُدُّوسُ يَأْتِي عَلَيْكِ، وَقُوَّةُ الْعَلِيِّ تُظَلِّلُكِ، لِذَلِكَ الْقُدُّوسُ الَّذِي سَيُولَدُ يُدْعَى ابْنَ اللهِ الانجيل: لوقا1: 34- 35

السيد المسيح زادا عمل معجزات متتحسبش باش يورّي للناس انو هو جاي من الله وهو اللي تنبأو عليه الانبياء قبل. هو الوحيد اللي قيّم موتى وحل عيون عميان وطرّد شواطن. هو الوحيد اللي كان عندو سلطان على كل شيء وبكلمة منو الطبيعة تخضعلو.

.وَفِي ذَلِكَ الْيَوْمِ، لَمَّا حَلَّ الْمَسَاءُ، قَالَ لِتَلَامِيذِهِ: ”تَعَالَوْا نَعْبُرُ إِلَى الشَّاطِئِ الْآخَرِ.“ فَتَرَكُوا الْجُمْهُورَ، وَأَخَذُوهُ فِي الْقَارِبِ كَمَا كَانَ، وَكَانَتْ مَعَهُ أَيْضًا قَوَارِبُ أُخْرَى. وَهَبَّتْ رِيحٌ شَدِيدَةٌ عَاصِفَةٌ، وَأَخَذَتِ الْأَمْوَاجُ تَضْرِبُ الْقَارِبَ، حَتَّى كَادَ يَمْتَلِئُ بِالْمَاءِ. وَكَانَ هُوَ فِي الْمُؤَخَّرِ نَائِمًا عَلَى مَخَدَّةٍ. فَأَيْقَظُوهُ وَقَالُوا لَهُ: ”يَا مُعَلِّمُ، أَلَا يَهُمُّكَ أَنْ نَغْرَقَ؟“ فَقَامَ وَوَبَّخَ الرِّيحَ، وَقَالَ لِلْأَمْوَاجِ: ”اُسْكُتِي. اِهْدَأِي.“ فَسَكَتَتِ الرِّيحُ وَسَادَ الْهُدُوءُ التَّامُّ. فَقَالَ لَهُمْ: ”مَا لَكُمْ خَائِفِينَ؟ هَلْ لِحَدِّ الْآنَ لَيْسَ عِنْدَكُمْ إِيمَانٌ؟“ فَارْتَعَبُوا وَقَالَ بَعْضُهُمْ لِبَعْضٍ: ”مَنْ هُوَ هَذَا حَتَّى تُطِيعَهُ الرِّيحُ وَالْأَمْوَاجُ؟“ الانجيل: مرقس4: 35-41

السيد المسيح هو وحدو اللي قدّم رسالة جديدة مختلفة على العالم واللي في العالم. اعطى تعاليم جديدة مليانة سلام ومحبة. أكثر الديانات انتشرت بالسيف والاجبار والغزوات اما رسالة المسيح انتشرت بالمحبة والسلام. كلامو انتشر في العالم الكل ولتوّا يغيّر حياة الناس ومحبتو تنقّي القلوب وتطهرها. رسالة الهية فيها دعوة انو نتبعوه ونكونو معاه.

هو الوحيد اللي مات وقام من الموت بعد ثلاث ايام باش يعطي كل اللي يؤمن بيه انتصار على الخطية والموت. هو الوحيد اللي قبرو فارغ وجسدو مفماّش على الارض وماهوش مدفون في حتى بلاصة.

مازلت تسأل علاش هو مش غيرو؟

أهم حاجة نقولهاك انّو هو الوحيد في تاريخ الكون اللي مات على خاطرك. مكتوب في الانجيل:

لَيْسَ مِنَ السَّهْلِ أَنْ يُضَحِّيَ أَحَدٌ بِنَفْسِهِ وَيَمُوتَ مِنْ أَجْلِ شَخْصٍ صَالِحٍ، رُبَّمَا يَتَجَرَّأُ وَاحِدٌ أَنْ يَمُوتَ مِنْ أَجْلِ إِنْسَانٍ طَيِّبٍ جِدًّا. لَكِنَّ اللهَ بَيَّنَ مَحَبَّتَهُ لَنَا، لِأَنَّهُ وَنَحْنُ مَا زِلْنَا مُذْنِبِينَ، مَاتَ الْمَسِيحُ مِنْ أَجْلِنَا. الانجيل: رومية5: 7-8

هو الوحيد اللي قال انا القيامة والحياة وهو الوحيد اللي قال على روحو انا هو الطريق والحق والحياة. مفمّا حتى حد يضمنلك الحياة الابدية تعرف علاش؟ على خاطر شكون يضمنها لروحو باش يضمنها لغيرو… أما السيد المسيح هو الوحيد اللي قال من امن بي ولو مات فسيحيا…

من غيرو مفمّاش نجاة

“لَا نَجَاةَ بِغَيْرِهِ، لِأَنَّهُ لَا يُوجَدُ فِي الْعَالَمِ كُلِّهِ اسْمٌ آخَرُ أُعْطِيَ لِلنَّاسِ نَنَالُ بِهِ النَّجَاةَ” أعمال الرسل 4: 12

النبوات اللي تقالت عليه قبل ما يجي، حياتو، معجزاتو، تعاليمو، موتو وقيامتو من الموت، اللّي عملو على خاطرنا، قدرتو على تغييرنا بالكامل… هذا الكل واكثر يخلّيه هو وحدو اللي لازمنا نتبعوه. هو وحدو اللي يضمنلنا الجنة من غير حتى شك. هو وحدو.

لو تحب تعرف أكثر على السيد المسيح الفريد المتميّز اللي “كُلُّ شَيْءٍ بِهِ كَانَ، وَبِغَيْرِهِ لَمْ يَكُنْ شَيْءٌ مِمَّا كَانَ” اقرأ الانجيل وتأكّد بنفسك انّو هو الحق. اكتبلنا في الخاص في الفاسبوك والا اتصل بينا واحنا نوفرولك الانجيل

لو عندك سؤال او استفسار اكتبلنا في الفاسبوك وفما شكون يتواصل معاك