البحث عن الحق

مرة كنت قاعد مع صاحبي في قهوة وتعدّى صاحبو وقعد معانا. وقت اللّي عرف اللي أنا مسيحي قالي: “عادي، الديانات الكل كيف كيف من ربّي… هوما طرق مختلفة نوصلو بيها لربّي واكاهو”. صحيح انا احترمتو برشا خاطر كان متخلّق ومحكمش عليّ أما الحقيقة هي اللّي الديانات ماهومش كيف كيف.

علاش المسيح أكاهو مش اي حد اخر؟ علاش هو الوحيد المنقذ وهو الطريق الوحيد للجنة؟

كل واحد في الدنيا هذي يخمّم اللّي هو وحدو عندو الحقيقة المطلقة وانو الحاجة اللّي مقتنع بيها ويؤمن بها هي الحق. هذاكا علاش تلقى ناس يدافعو على معتقداتهم وإلاّ دياناتهم وأفكارهم من غير ما يقدمو حتى مجهود باش يبحثو ويعرفو ويسألو بجدّية.