السيد المسيح جا باش يكون كفّارة على خطايانا وباش يصلّح العلاقة الروحية مع ربي. هذا ما بداش من وقت ولادة المسيح أما هذا قصد ربي من اول خلق الدنيا ونشوفوه مكتوب في التوراة زادا وقبل الاف السنين من جيّان المسيح على الارض.
التوراة، كلمة ربي قبل المسيح، بدا ربي يعطيها لشعبو من 3500 قبل الميلاد حتى لسنة 450 قبل الميلاد. يعني ميات السنين قبل ما يجي السيد المسيح. واللي قرا التوراة يعرف اللّي هي مليانة بالنبوّات على يسوع المسيح. في التوراة اكثر من 300 نبوّة حقّقها السيد المسيح وتخص ولادتو، حياتو، موتو وقيامته من الموت.
باللوجيك وعلميا كي نشوفو الاحتمالات انو شخص واحد يحقق النبوات هذوما الكل نلقاو انو هذا مستحيل! علميا نلقاو اللّي احتمال انّو:
شخص يحقّق 8 نبوات تقالت عليه هو واحد من 100,000,000,000,000,000. شخص يحقّق 48 نبوّة تقالت عليه في الماضي هو احتمال من (10 قوّة 157). أما شخص حقّق اكثر من 300 نبوّة هو يسوع المسيح أكاهو.
صحيح نحنا منعرفوش النهار بالضبط اللي تولد فيه المسيح أما عيد ميلاد المسيح هو ذكرى نحتفلو بيها انّو هو جا على الارض وهذي أهم حاجة. الميلاد اللّي تكلمو عليه الانبياء وتنبأو على تفاصيل على المسيح وكيفاش باش يتولد.
1.المسيح باش يتولد في بيت لحم (تذكرت في القرن الثامن قبل الميلاد)
“أَمَّا أَنْتِ يَا بَيْتَ لَحْمِ أَفْرَاتَةَ، مَعَ أَنَّكِ قَرْيَةٌ صَغِيرَةٌ بَيْنَ أُلُوفِ قُرَى يَهُوذَا، إِلاَّ أَنَّ مِنْكِ يَخْرُجُ لِي مَنْ يُصْبِحُ مَلِكاً فِي إِسْرَائِيلَ وَأَصْلُهُ مُنْذُ الْقَدِيمِ، مُنْذُ الأَزَلِ.” التوراة: ميخا 5: 2.
تولد المسيح في مدينة اسمها “بيت لحم” وقت كان هيرودوس هو الملك. في وقت المولد متاعو كان فمّا علماء وحكماء جاو من الشرق لاورشليم يلوّجو ويسألو:
“«أَيْنَ هُوَ الْمَوْلُودُ مَلِكُ الْيَهُودِ؟ فَقَدْ رَأَيْنَا نَجْمَهُ طَالِعاً فِي الشَّرْقِ، فَجِئْنَا لِنَسْجُدَ لَهُ». 3 وَلَمَّا سَمِعَ الْمَلِكُ هِيرُودُسُ بِذلِكَ، اضْطَرَبَ وَاضْطَرَبَتْ مَعَهُ أُورُشَلِيمُ كُلُّهَا. 4 فَجَمَعَ إِلَيْهِ رُؤَسَاءَ كَهَنَةِ الْيَهُودِ وَكَتَبَتَهُمْ جَمِيعاً، وَسَأَلَهُمْ: «أَيْنَ يُوْلَدُ الْمَسِيحُ». 5 فَأَجَابُوهُ: «فِي بَيْتِ لَحْمٍ بِالْيَهُودِيَّةِ، فَقَدْ جَاءَ فِي الْكِتَابِ عَلَى لِسَانِ النَّبِيِّ: 6 وَأَنْتِ يَا بَيْتَ لَحْمٍ بِأَرْضِ يَهُوذَا، لَسْتِ صَغِيرَةَ الشَّأْنِ أَبَداً بَيْنَ حُكَّامِ يَهُوذَا، لأَنَّهُ مِنْكِ يَطْلُعُ الْحَاكِمُ الَّذِي يَرْعَى شَعْبِي إِسْرَائِيلَ!»” الانجيل بحسب متى 2: 1-6.
2.المسيح مولود من عذراء (تذكرت سنة 735 قبل الميلاد)
” وَلَكِنَّ السَّيِّدَ نَفْسَهُ يُعْطِيكُمْ آيَةً: هَا الْعَذْرَاءُ تَحْبَلُ وَتَلِدُ ابْناً، وَتَدْعُو اسْمَهُ عِمَّانُوئِيلَ.” سفر اشعياء 7: 14.
تحقيق النبوة:
“أَمَّا يَسُوعُ الْمَسِيحُ فَقَدْ تَمَّتْ وِلادَتُهُ هكَذَا: كَانَتْ أُمُّهُ مَرْيَمُ مَخْطُوبَةً لِيُوسُفَ؛ وَقَبْلَ أَنْ يَجْتَمِعَا مَعاً، وُجِدَتْ حُبْلَى مِنَ الرُّوحِ الْقُدُسِ. وَإِذْ كَانَ يُوسُفُ خَطِيبُهَا رَجُلاً صَالِحاً، وَلَمْ يُرِدْ أَنْ يُشَهِّرَ بِهَا، قَرَّرَ أَنْ يَتْرُكَهَا سِرّاً. وَبَيْنَمَا كَانَ يُفَكِّرُ فِي الأَمْرِ، إِذَا مَلاَكٌ مِنَ الرَّبِّ قَدْ ظَهَرَ لَهُ فِي حُلْمٍ يَقُولُ: «يَا يُوسُفُ ابْنَ دَاوُدَ! لَا تَخَفْ أَنْ تَأْتِيَ بِمَرْيَمَ عَرُوسِكَ إِلَى بَيْتِكَ، لأَنَّ الَّذِي هِيَ حُبْلَى بِهِ إِنَّمَا هُوَ مِنَ الرُّوحِ الْقُدُسِ. فَسَتَلِدُ ابْناً، وَأَنْتَ تُسَمِّيهِ يَسُوعَ، لأَنَّهُ هُوَ الَّذِي يُخَلِّصُ شَعْبَهُ مِنْ خَطَايَاهُمْ». حَدَثَ هَذَا كُلُّهُ لِيَتِمَّ مَا قَالَهُ الرَّبُّ بِلِسَانِ النَّبِيِّ الْقَائِلِ: «هَا إِنَّ الْعَذْرَاءَ تَحْبَلُ، وَتَلِدُ ابْناً، وَيُدْعَى عِمَّانُوئِيلَ!» أَيِ «اللهُ مَعَنَا». الانجيل بحسب متى 1: 18-23.
3.المسيح باش يكون من نسل سيدنا ابراهيم، اسحق، يعقوب والملك داود
ربي أوحى للانبياء متاعو انهم يكتبو شجرة الحياة متع السيد المسيح بكل دقة وتفصيل. علاش؟ باش يورّينا انّو يسوع اللي تولد هو اللّي حكاو عليه الانبياء في التوراة وقالو انو باش يكون من نسل سيدنا ابراهيم وسيدنا داود. النبوات هذي موجودة في برشا بلايص في التوراة وتنجم تقراها في الاسفار هذوما: سفر التكوين 12: 3. سفر التكوين 18. سفر التكوين 17: 19. سفر العدد 24: 17. سفر التكوين 49: 19. اشعياء 9: 7.
تحقيق النبوة: في الانجيل مذكور بالتفصيل نسب السيد المسيح وهذا يأكدلنا انّو من نسل الانبياء هذوما.
ربي عطانا برشت علامات باش نعرفو قصدو ورسالتو وباش نقبلوه في حياتنا وترجع العلاقة الروحية معاه. كل حاجة عملها ربي هي علامة وليها قصد باش احنا نعرفو ونتبعو المخلّص اللّي تولد من 2000 سنة. ربي وضحلنا كل شيء وورانا الطريق متاعو اما المشكل في برشا اختارو انهم ميؤمنوش.
ربّي عطاك الاجابة الواضحة على شكونو المسيح وكيفاش تنجم تكون تاخو الغفران وتمشي في طريق الله، مازلت ماتصدقش؟المولود في بيت لحم من الفين سنة واسمو يسوع هو تحققت فيه النبوات متع التوراة وكتب الانبياء الكل. مازلت متصدقش؟
نحنا صدّقنا وامنّا بالمكتوب! هذاكا علاش نحتفلو بميلاد المسيح…حتى في تونس! كنّا ضايعين ولقينا طريقنا في المسيح يسوع. فمّا برشا يجيو يقولونا اللّي أحنا ولّينا مسيحيين على خاطر الفلوس والا نلوجو على فيزا لبرّا. أما هذا الكلّو كلام جهل. ربّي دعانا لعلاقة حقيقيّة معاه للأبد وهذاكا علاش احنا جينا وقررنا نتبعوه. مفمّا حتى حاجة على الارض تنجّم تساوي الفرحة والسلام والحياة الجديدة اللي ربي يعطيهالنا. حتّى شيء ما يساوي وما يتقارن مع علاقتنا بربّي توا ولا رضا العباد علينا ولا الفلوس ولا حتى حياة “الراحة” والكونفور.
معلومة: التوراة تكتبت من 3500 الى 450 قبل الميلاد متع المسيح. وفيها نبوات على انو المسيح باش يجي وباش يدفع ثمن خطايا الناس ويرجع العلاقة مع ربي وكل واحد يقبل التوبة ويصدّق فيه. الانجيل يحكيلنا على حياة، موت وقيامة السيد المسيح ويحكيلنا على الكنيسة الاولى والنبوات على انو المسيح باش يجي مرّة اخرى باش ياخونا للجنة ونكونو للابد مع ربي
لو تحب تفهم اكثر على ضحيّة المسيح وعلاش مات فدية على البشرية تنجم تقرا المقال هذا