لو كل شيء لاباس في حياتك ومفمّا شيء مقلقك والا متعبك، نحب نقولك مش لازم تكمّل تقرا. المقال هذا ماهوش ليك. المقال هذا لكل واحد عاش في حياتو حاجات صعيبة، تجرح من ناس وتعب من ظروف في حياتو.
أحنا التوانسة عشنا ونعيشو فترات صعيبة. في اخر سنوات، بلادنا عاشت برشا تحدّيات خلّاتنا معادش فاهمين مستقبلنا وشنوة باش يصير في بلادنا. بخلاف كل واحد فينا قدّاش يصارع امور شخصية يقابلها كل نهار.
معنديش خدمة…بشهريتي منجمش نكوّن ولا نعمل شي…مشاكل في العايلة…مريض والطب ملقاليش حتى حل…كان عندي برشا أحلام ونحسها الكلها ضاعت…منجحتش في قرايتي، شنوة باش نعمل؟…اعز ما عندي مات ونحس حياتي من غير قيمة من غيرو… نحس روحي وحدي في الدنيا… تعرضت للخيانة… تجرحت من أعز الناس… نحس روحي ضايع، عايش من غير هدف.
كل واحد فينا تاعب ومجروح ومش عارف وين الدوا. في الكتاب المقدس ربّي قال انّو هو يهوه رافا (معنتها الله الشافي). هو الوحيد اللي ينجّم بالحق يشفي ويعزّي القلوب. ساعات نبداو نتبسمو ونجاهدو انو نكملو. ربي اعطانا الصبر زادا انو نجمو نشكروه ونقولو الحمد لله في وسط وجيعتنا. أما احنا نحتاجو زادا ربيّ يشفيلنا قلوبنا على خاطرو هو الوحيد الشافي. مكتوب في الكتاب المقدس:
“الرَّبُّ قَرِيبٌ مِنْ مُنْكَسِرِي الْقَلْبِ، وَيُخَلِّصُ مُنْسَحِقِي الرُّوحِ.” مزمور 34: 18
“لَا تَخَفْ لأَنِّي مَعَكَ. لَا تَتَلَفَّتْ حَوْلَكَ جَزَعاً، لأَنِّي إِلَهُكَ، أُشَدِّدُكَ وَأُعِينُكَ وَأَعْضُدُكَ بِيَمِينِ بِرِّي” اشعياء 41: 10
“تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ. اِحْمِلُوا نِيرِي عَلَيْكُمْ، وَتعَلَّمُوا مِنِّي، لأَنِّي وَدِيعٌ وَمُتَوَاضِعُ الْقَلْبِ” الانجيل بحسب متى11: 28-29
“سَلاماً أَتْرُكُ لَكُمْ. سَلاَمِي أُعْطِيكُمْ. لَيْسَ كَمَا يُعْطِي الْعَالَمُ أُعْطِيكُمْ أَنَا. فَلاَ تَضْطَرِبْ قُلُوبُكُمْ، وَلاَ تَرْتَعِبْ.” الاتجيل بحسب يوحنا 14: 27
ربي يحب يعطينا الراحة والشفاء في حياتنا توّا وزادا يملانا بالأمل اللّي بيه نبداو متأكدين انو باش نكونو معاه في الجنة.
“وَسَمِعْتُ صَوْتاً هَاتِفاً مِنَ الْعَرْشِ: «الآنَ صَارَ مَسْكِنُ اللهِ مَعَ النَّاسِ، هُوَ يَسْكُنُ بَيْنَهُمْ، وَهُمْ يَصِيرُونَ شَعْباً لَهُ. اللهُ نَفْسُهُ يَكُونُ مَعَهُمْ إِلهاً لَهُمْ! 4 وَسَيَمْسَحُ كُلَّ دَمْعَةٍ مِنْ عُيُونِهِمْ. إِذْ يَزُولُ الْمَوْتُ وَالْحُزْنُ وَالصُّرَاخُ وَالأَلَمُ، لأَنَّ الأُمُورَ الْقَدِيمَةَ كُلَّهَا قَدْ زَالَتْ!»” سفر الرؤيا 21: 3-4.
فمّا أكثر حاجة اعظم من هكّا يتمنّاها الانسان؟ الله القادر على كل شيء يهتم بيك ويمسحلك كل دموعك ويشفي قلبك المجروح ويريحك من تعبك ويكون معاك كل الوقت.
أحكي مع الله الشافي واشكيلو همّك وقولو على وجيعتك، قولو يا رب انا محتاجلك اشفيني من مرضي وداويلي جروحي وقوّيني على ضعفي وحرّرني من كل عبودية. هو يعرف قلبك. هو يحبك ويهتم بكل تفاصيل حياتك.