fbpx

شنوة علّم المسيح على الصلاة

وقت نحبّو نتعلمو حاجة ديما أسهل بالنسبة لينا انّو نشوفو حد يعمل الحاجة قدّامنا أوّل مرة. ديما وقتلّي يبدا مثال حي قدّام عينينا هذا يسهّل علينا برشا التعلّم. من سنوات، كنت نتعلّم في السياقة وكانت ديما حاجة فيها برشا ستراس خاصّة في الطرقات متاعنا.

من الفين سنة سأل التلاميذ السيد المسيح كيفاش يصلّيوا وهو علّمهم واعطاهم مثال ليهم للصلاة وقاللهم:

“وَعِنْدَمَا تُصَلُّونَ، لاَ تَكُونُوا مِثْلَ الْمُنَافِقِينَ الَّذِينَ يُحِبُّونَ أَنْ يُصَلُّوا وَاقِفِينَ فِي الْمَجَامِعِ وَفِي زَوَايَا الشَّوَارِعِ لِيَرَاهُمُ النَّاسُ. الْحَقَّ أَقُولُ لَكُمْ: إِنَّهُمْ قَدْ نَالُوا مُكَافَأَتَهُمْ. أَمَّا أَنْتَ، فَعِنْدَمَا تُصَلِّي، فَادْخُلْ غُرْفَتَكَ، وَأَغْلِقِ الْبَابَ عَلَيْكَ، وَصَلِّ إِلَى أَبِيكَ الَّذِي فِي الْخَفَاءِ. وَأَبُوكَ الَّذِي يَرَى فِي الْخَفَاءِ، هُوَ يُكَافِئُكَ. وَعِنْدَمَا تُصَلُّونَ، لاَ تُكَرِّرُوا كَلاَماً فَارِغاً كَمَا يَفْعَلُ الْوَثَنِيُّونَ، ظَنّاً مِنْهُمْ أَنَّهُ بِالإِكْثَارِ مِنَ الْكَلاَمِ، يُسْتَجَابُ لَهُمْ. فَلاَ تَكُونُوا مِثْلَهُمْ، لأَنَّ أَبَاكُمْ يَعْلَمُ مَا تَحْتَاجُونَ إِلَيْهِ قَبْلَ أَنْ تَسْأَلُوهُ.” الانجيل: متى6: 5-8.

من التعليم هذا نشوفو انّو كان السيد المسيح مركّز على اتجاه قلب المصلّي قبل كل شيء.

الدرس الاول:

برشا مرّات العباد تصلّي باش تبيّن انّو هوما ناس باهين ومتدينين. وولاّت كلمة فلان مصلّي تعني انو هو شخص يستحق الثقة. اما ساعات متكونش هذي حقيقتهم من داخل. (انا هوني منحكيش على دين معيّن أما على قلوب العباد وقت يصلّيو في اي ديانة). هذاكا علاش السيد المسيح ركّز على انّو منكونوش منافقين في صلواتنا ونحبّو البلايص اللّي فيها نظهرو للناس اللّي احنا مصلّين ومتدينين. اما نجمو نصلّيو حتى وحدنا احنا وربي. المهم الصدق والهدف الحقيقي متع صلاتنا. الصلاة هي لربي أكاهو وميلزمش يكون عندها حتى هدف اخر.

السيد المسيح زادا علّمنا انو منقعدوش نعاودو الكلام في الفارغ. حافظين حاجات مزيانة نقولوها ونعاودوها من غير فهم. الاحسن عند ربي انو نقول اللّي في قلبي بكلامي البسيط اما الصادق.

الدرس الثاني:

اعطى السيد المسيح مثال للصلاة وكيما قال في الاول مش الهدف انو نعاودوها ونكرروها اما انو نتعلمو منها دروس في حياتنا مع الله. قال السيد المسيح:

“فَصَلُّوا أَنْتُمْ مِثْلَ هَذِهِ الصَّلاَةِ: أَبَانَا الَّذِي فِي السَّمَاوَاتِ، لِيَتَقَدَّسِ اسْمُكَ! لِيَأْتِ مَلَكُوتُكَ! لِتَكُنْ مَشِيئَتُكَ عَلَى الأَرْضِ كَمَا هِيَ فِي السَّمَاءِ! خُبْزَنَا كَفَافَنَا أَعْطِنَا الْيَوْمَ! وَاغْفِرْ لَنَا ذُنُوبَنَا، كَمَا نَغْفِرُ نَحْنُ لِلْمُذْنِبِينَ إِلَيْنَا! وَلاَ تُدْخِلْنَا فِي تَجْرِبَةٍ، لَكِنْ نَجِّنَا مِنَ الشِّرِّيرِ، لأَنَّ لَكَ الْمُلْكَ وَالْقُوَّةَ وَالْمَجْدَ إِلَى الأَبَدِ. آمِين. الانجيل: متى6: 8-13.

شنوّة نجمو نتعلمو من الصلاة المثال اللي عطاهالنا السيد المسيح؟

  • احنا كي نتجهو لله نتجهو لأبونا السماوي. هو ابونا ويحبنا وهو يعرف كل احتياجات قلوبنا ومستحيل يعطينا حاجات خايبة في حياتنا.
  • نحنا نجيو لله في صلاتنا بالتسبيح والمحبة
  • نحنا نصلّيو وديما نطلبو مشيئة ربي وقصدو لحياتنا مش مشيئتنا نحنا.
  • نحنا ناثقو ونصدقو انو ربي يسدّد كل احتياجاتنا
  • ديما نطلبو من ربي انو يحمينا انو نطيحو في المعصية والتجربة.
  • كل المجد والقوة ترجع لبونا السماوي. ديما نمجدوه ونسبحوه.

هذا المثال اللي عطاهولنا المسيح واحنا لازم نطبقوه في حياتنا الروحية وصلاتنا. جرّب عيش المثال هذا وصلّي لله بكلماتك البسيطة وانت اتبع في المثال هذا وباش تشوف التغيير الكبير اللي يصيرلك في حياتك.

لو عندك سؤال او استفسار اكتبلنا في الفاسبوك وفما شكون يتواصل معاك