شارك_ الميلاد

قصص وحكايات من فترة ميلاد المسيح

قراها معانا وتأمل فيها واستخرج منها الدروس العميقة

وما تنساش تشارك الفرحة والميلاد

كان فما برشا انبياء جاو قبل السيد المسيح واكثريتهم كان ليهم نبوات كبيرة على ولادة السيد المسيح وحياتو قبل ميات السنين من ولادتو. النبي اشعياء من اعظم الانبياء اللي تكلمو على السيد المسيح وكيفاش ولادتو. مكتوب في سفر اشعياء:

وَلَكِنَّ السَّيِّدَ نَفْسَهُ يُعْطِيكُمْ آيَةً: هَا الْعَذْرَاءُ تَحْبَلُ وَتَلِدُ ابْناً، وَتَدْعُو اسْمَهُ عِمَّانُوئِيلَ. اشعياء 7: 14

عمّانوئيل هي كلمة عبرية معناها “الله معانا”.

كانت ولادة السيد المسيح هي الوعد اللّي تحقق انو “الله معانا”. وفيه تعبير على العلاقة الحميمة مع الله.

بعد ولادة المسيح صارلنا القدرة انو نكونو في العلاقة هذي مع الله انو هو معانا

الله معانا يعني انو الله يهتم بينا ويرعانا ويحمينا بحضورو. أحنا ديما نصليو ديما ونقولو يا ربي كون معانا. أما الصلاة هذي تحققت من الفين سنة وقت اللي تولد السيد المسيح وصار عندنا القدرة انو نشوفو ربي ونحسوه قريب منا في كل لحظة من حياتنا.

فما روعة اعظم من انو نحسو انو الله معانا في كل لحظة وكل ظرف؟

استمتع بحضور الله في حياتك في هالفترة من الميلاد

“هُوَذَا مَسْكَنُ اللهِ مَعَ النَّاسِ، وَهُوَ سَيَسْكُنُ مَعَهُمْ، وَهُمْ يَكُونُونَ لَهُ شَعْبًا، وَاللهُ نَفْسُهُ يَكُونُ مَعَهُمْ إِلهًا لَهُمْ” (رؤيا 21: 3).

لو عندك سؤال او استفسار اكتبلنا في الفاسبوك وفما شكون يتواصل معاك