fbpx

14- انت الهدية

شارك_ الميلاد

قصص وحكايات من فترة ميلاد المسيح

قراها معانا وتأمل فيها واستخرج منها الدروس العميقة

وما تنساش تشارك الفرحة والميلاد

ممكن سمعت بقصة ميلاد المسيح الاف المرات. حدث يتكرر كل عام ومعاه تصاور وكادوات والوان وترانيم. اما محتاج تعرف قصة الميلاد الجقيقية اللي غيرت حياتي وحياة الملايين على مر السنين.

الله الاب خالق الكون مدبّر كل شيء مجيد ومعجزي اختارني انا وانت وكل واحد قبل السيد المسيح في حياتو انو نكونو نشهدو ونشوفو اعظم هدية للعالم وتحققت المعجزة من خلالنا باش يظهر السلام للعالم اللي نعيشو فيه.

كل واحد مسيحي هو مسؤول انو ينقل فرحة الميلاد من خلال الفرحة اللي هو عندو على ربي. العالم ينجم يذوق سلام المسيح وقت اللي احنا نعيشو ونختبرو ونصنعو السلام في العالم. وقتها يشوف العالم النور الحقيقي وقت نسمح لحياتي انها تكون المنارة اللي تحمل النور للبشرية.

الميلاد ماهوش فقط حادثة صارت من الفين سنة, الميلاد عليك انت زادا! انك تكون حاضر انك تعلن حضور وحب يسوع المخلّض.

انت الهدية اليوم اللي ربي اختارها ربي باش يعطيها للعالم. احنا في جيل وعالم محبط يحتاج للخلاص ومن غيرك انت المؤمن بيسوع مينجموش يعرفو اسمو وسبب جيانو.

وانت تفكر في العام الجديد، صلّي انو تخلّي الله يستخدمك وتكون المصباح اللي من خلالو ينوّر للعالم الطريق والحق