fbpx

زعما تِذْكَرْ النبي محمد في الانجيل؟

12«إنَّ لي أُمورًا كثيرَةً أيضًا لأقولَ لكُمْ، ولكن لا تستَطيعونَ أنْ تحتَمِلوا الآنَ. 13وأمّا مَتَى جاءَ ذاكَ، روحُ الحَقِّ، فهو يُرشِدُكُمْ إلَى جميعِ الحَقِّ، لأنَّهُ لا يتَكلَّمُ مِنْ نَفسِهِ، بل كُلُّ ما يَسمَعُ يتَكلَّمُ بهِ، ويُخبِرُكُمْ بأُمورٍ آتيَةٍ. 14ذاكَ يُمَجِّدُني، لأنَّهُ يأخُذُ مِمّا لي ويُخبِرُكُمْ. 15كُلُّ ما للآبِ هو لي. لهذا قُلتُ: إنَّهُ يأخُذُ مِمّا لي ويُخبِرُكُمْ.

وَأَنَا أَطْلُبُ مِنَ الآبِ فَيُعْطِيكُمْ مُعَزِّياً آخَرَ لِيَمْكُثَ مَعَكُمْ إِلَى الأَبَدِ. رُوحُ الْحَقِّ الَّذِي لاَ يَسْتَطِيعُ الْعَالَمُ أَنْ يَقْبَلَهُ لأَنَّهُ لاَ يَرَاهُ وَلاَ يَعْرِفُهُ وَأَمَّا أَنْتُمْ فَتَعْرِفُونَهُ لأَنَّهُ مَاكِثٌ مَعَكُمْ وَيَكُونُ فِيكُمْ”
الانجيل يوحنا 14: 16-17، 26

برشا مرات نلقى ناس من اصحابنا المسلمين يستشهدو بالايات هذوما ويقولو انو هذي نبوة على قدوم نبي الاسلام وانو كلمة المعزي هي تحكي على النبي محمد.

وديما يجي لبالي سؤال وقت اللي نسمع واحد يستشهد بالايات هذوما:

خويا المسلم توا انت من شيرا تقول اللي الانجيل محرّف وتتهم كلمة الله انها تحرفت وتغيرت ومن شيرا اخرى تقول اللي الانجيل ذكر النبي محمد وانو باش يجي؟ مش تناقض هذا؟

احنا كي نقراو كلمة الله نقراوها بدقة وتمعن وما ناخذوش كلمة ونقصوها من سياقها وهذاكا علاش باش ندرس معاكم اللمقطع هذا ونفهمو مع بعضنا على شكون يحكي السيد المسيح.

1- المسيحيين يؤمنو بالكتاب المقدس الكل وبالايات هذوما وتفسير المسيحيين الكل للايات هذوما هو انو بعد قيامة المسيح وطلوعو للسما وعد انو باش يبعثلنا الروح القدس، روح الله يسكن في وسط المؤمنين ويرشدنا ويوجهنا للحق في كل تفاصيل حياتنا. هذا هو ايماننا ومش الاية هذي بركا تاكد النقطة هذي. مكتوب زادا في الانجيل

ومَتَى جاءَ المُعَزّي الّذي سأُرسِلُهُ أنا إلَيكُمْ مِنَ الآبِ، روحُ الحَقِّ، الّذي مِنْ عِندِ الآبِ يَنبَثِقُ، فهو يَشهَدُ لي الانجيل يوحنا15: 26

“وَأَمَّا الْمُعَزِّي الرُّوحُ الْقُدُسُ الَّذِي سَيُرْسِلُهُ الآبُ بِاسْمِي فَهُوَ يُعَلِّمُكُمْ كُلَّ شَيْءٍ وَيُذَكِّرُكُمْ بِكُلِّ مَا قُلْتُهُ لَكُمْ” (أعمال الرسل 1: 4-5).

الوعد هذا تحقق في الانجيل ومؤرخ ومكتوب انو بعد عشر ايام من صعود المسيح للسماء حل الروح القدس على التلاميذ متع المسيح:

وَلَمَّا حَضَرَ يَوْمُ الْخَمْسِينَ كَانَ الْجَمِيعُ مَعاً بِنَفْسٍ وَاحِدَةٍ وَصَارَ بَغْتَةً مِنَ السَّمَاءِ صَوْتٌ كَمَا مِنْ هُبُوبِ رِيحٍ عَاصِفَةٍ وَمَلأَ كُلَّ الْبَيْتِ حَيْثُ كَانُوا جَالِسِينَ وَظَهَرَتْ لَهُمْ أَلْسِنَةٌ مُنْقَسِمَةٌ كَأَنَّهَا مِنْ نَارٍ وَاسْتَقَرَّتْ عَلَى كُلِّ وَاحِدٍ مِنْهُمْ. وَامْتَلأَ الْجَمِيعُ مِنَ الرُّوحِ الْقُدُسِ وَابْتَدَأُوا يَتَكَلَّمُونَ بِأَلْسِنَةٍ أُخْرَى كَمَا أَعْطَاهُمُ الرُّوحُ أَنْ يَنْطِقُوا” (أعمال الرسل 2: 1-4).

كانت هذي نقطة التحول عند التلاميذ وبعد ما كانو مخبيين خايفين من ردة فعل الناس ولاّو يحكيو على رسالة المسيح والانجيل بكل شجاعة

2- السيد المسيح قال في الايات هذوما انو هو اللي باش يبعث المعزّي روح الحق. لو انت تقول انو المعزّي هو رسول الاسلام لازم تأكّد انّو السيد المسيح هو اللي بعثو.

3- لِيَمْكُثَ مَعَكُمْ إِلَى الأَبَدِ: اكد السيد المسيح انو روح الحق هو باش يقعد معاهم للابد أما رسول الاسلام عاش ومات في فترة معينة ومقعدش للابد. ما تنجمش تاخو كلمة وتسيب كلمة بحسب رغبتك. انت تعرف انو رسول الاسلام معاشش للابد وقبرو موجود. فاكيد متنجمش هذي العبارة تنطبق عليه.

4- . رُوحُ الْحَقِّ الَّذِي لاَ يَسْتَطِيعُ الْعَالَمُ أَنْ يَقْبَلَهُ لأَنَّهُ لاَ يَرَاهُ وَلاَ يَعْرِفُهُ: تورّينا الاية هذي انّو المعزّي هو روح ميتشافش. والعالم اللي ميعرفوش المسيح وميؤمنوش بيه مينجموش يشوفوه ولا يكونو في علاقة معاه.

5- يَعْرِفُهُ وَأَمَّا أَنْتُمْ فَتَعْرِفُونَهُ لأَنَّهُ مَاكِثٌ مَعَكُمْ وَيَكُونُ فِيكُمْ: في المسيحية نحنا نؤمنو انو كي تقبل المسيح في حياتك، الروح القدس يسكن فينا. تنجم تنطبق الايات هذوما على نبي الاسلام؟

5- فهو يَشهَدُ لي: السيد المسيح قال انو المعزّي باش يشهد على المسيح وزادا مكتوب انو ذاكَ يُمَجِّدُني، لأنَّهُ يأخُذُ مِمّا لي ويُخبِرُكُمْ. وبالطبيعة ما فما حتى مسلم ينجم يقول انو نبي الاسلام كانت مهمتو هي الشهادة للمسيح

ّصفات المعزّي بحسب الايات هذوما هي: هو روح ميتشافش، يسكن في وسط المؤمنين، موجود لللأبد، معزّي، يشهد على المسيح، يمجّد المسيح. هذي الحاجات متنجمش تنطبق على نبي الاسلام.

النتيجة الحاسمة أنه مفماش لا في التوراة، ولا في الزابور، ولا عند النبيين، ولا في الإنجيل، حتى إشارة إلى محمد نبي الاسلام على خاطر المسيح هو خاتمة النبوة والكتاب.

لو عندك سؤال او استفسار اكتبلنا في الفاسبوك وفما شكون يتواصل معاك