الحقيقة الثانية: “وين كنزك موجود، غادي قلبك زادا موجود” يسوع المسيح

الحقيقة هذي هي كلام السيد المسيح اللي قالها في الانجيل:

21فَحَيْثُ يَكُونُ كَنْزُكَ، هُنَاكَ أَيْضاً يَكُونُ قَلْبُكَ! الانجيل: 6: 21

خمّم فيها بالباهي: الفلوس ماهي الا عملة نقدية الناس تستخدمها باش تتبادل بيها حاجات تحب تملكها او تعملها. مالا رغبتنا وحبنا للمال يورّي ويوضح لشنوة نعطيو قيمة اكثر في حياتنا. اللّي نحبو نكنزوه ونملكوه ونخبّيوه هذاكا هو اللّي قلبنا عليه كل الوقت. هذي حاجة مهمة برشا خاطر في الانجيل وضحلنا الله انو يهتم برشا باتجاه قلوبنا. السيد المسيح علّمنا انّو اهم وصية واعظمها هي:

أَحِبّ الرَّبَّ إِلهَكَ بِكُلِّ قَلْبِكَ وَكُلِّ نَفْسِكَ وَكُلِّ فِكْرِكَ! هَذِهِ هِيَ الْوَصِيَّةُ الْعُظْمَى الأُولَى. الانجيل: متى22: 37-38

ربي وصّانا انو لازم قلوبنا تكون مليانة ومتجهة ديما نحو محبة وطاعة الله بالكامل. مالا منجمش نعطي ربي قلبي بالكامل وانا لاهي بحب الفلوس ورغباتي هذاكا علاش مكتوب في الكتاب المقدس

فَإِنَّ حُبَّ الْمَالِ أَصْلٌ لِكُلِّ شَرٍّ الانجيل: 1 تيموثاوس 6-10

مش المال هو اصل الشر على خاطر المال هو وسيلة كيما غيرها في الدنيا هذي اما حب المال وقلبي اللي متجه كل الوقت انو يكون عندي فلوس هو اصل الشر وهو اللي يخلّي الانسان يطيح في الخطية وفي رغبات خايبة تهزو للهلاك والدمار.

أَمَّا الَّذِينَ يَرْغَبُونَ فِي أَنْ يَصِيرُوا أَغْنِيَاءَ، فَيَسْقُطُونَ فِي التَّجْرِبَةِ وَالْفَخِّ وَيَتَوَرَّطُونَ فِي كَثِيرٍ مِنَ الشَّهَوَاتِ السَّفِيهَةِ الْمُضِرَّةِ الَّتِي تُغَرِّقُ النَّاسَ فِي الدَّمَارِ وَالْهَلاَكِ 1 تيموثاوس 6: 9

لو كل واحد فينا يراجع روحو ويشوف وين اتجاه قلبو؟ شنوة اللي يقودو في حياتو؟ محبة الفلوس والامور المادية والا مشيئة الله وكلمتو؟

تحدّي: خمّم في شنوة صرفت فلوسك الشهرين اللّي فاتو وراجع اولوياتك…. لو حسّيت انو اتجاه قلبك هو في بلاصة بعيدة عن محبة الله، راجع أولوياتك وشنوة لازم تبدّل في حياتك ورغباتك؟

لو عندك سؤال او استفسار اكتبلنا في الفاسبوك وفما شكون يتواصل معاك