الحقيقة الاولى: ربي يملك كل شيء. ربي وكلك على فلوسو وانت فقط وكيل على ملكو.
لِلرَّبِّ الأَرْضُ وَكُلُّ مَا فِيهَا. لَهُ الْعَالَمُ، وَجَمِيعُ السَّاكِنِينَ فِيهِ. مزمور24: 1
لأَنَّ جَمِيعَ حَيَوَانَاتِ الْغَابَةِ مِلْكِي، وَكَذَلِكَ الْبَهَائِمَ الْمُنْتَشِرَةَ عَلَى أُلُوفِ الْجِبَالِ. أَنَا عَالِمٌ بِجَمِيعِ طُيُورِ الْجِبَالِ، وَكُلُّ مَخْلُوقَاتِ الْبَرَارِي هِيَ لِي. 12إِنْ جُعْتُ لاَ أَلْتَمِسُ مِنْكَ حَاجَتِي لأَنَّ لِيَ الْمَسْكُونَةَ وَكُلَّ مَا فِيهَا. مزمور 50: 10-12
كُلُّ مَا تَحْتَ جَمِيعِ السَّمَاوَاتِ هُوَ لِي. ايوب 41: 11
وَلَكِنِ اذْكُرُوا أَنَّ الرَّبَّ إِلَهَكُمْ هُوَ الَّذِي يَمْنَحُكُمُ الْقُوَّةَ لإِحْرَازِ الثَّرْوَةِ، سفر التثنية 8: 18
خلينا نكونو صريحين. ما فما حتى حد يحب ويهتم بالفلوس الا على خاطرها هي اللي تنجم بيها تشري او تعمل حاجات. يعني الفلوس في الاخر هي عملة نقدية اللي الانسان يستعملها باش يتبادل بيها حاجات او خدمات في العالم. الفلوس تخلينا نشريو الحاجات الارضية المادية.
الله يملك كل شيء واحنا فقط وكلاء على الامانة هذي اللي ربي عطاهالنا باش نوظفوها ونحطوها في البلاصة الصحيحة بحسب قيادتو لينا.
السيد المسيح استخدم برشا امثال تكلم فيها على الامانة وفهمنا كيفاش احنا وكلاء على ملك الله. ومنهم مثل الفعلة في الحقل
الحقيقة اللي لازم نعرفوها انو المال هو ملك الله مش ملكنا.
تخمم في الفلوس اللي عندك في جيبك والا البانكا والا الامور اللي تملكها وتفتخر بيها انها ملك الله؟
كيفاش تنجم تتبدل حياتك لو ديما حطيت في مخك اللي الفلوس اللي تحب تاخوها وتصرفها هي في الاول والاخر ملك الله؟
لو عندك سؤال او استفسار اكتبلنا في الفاسبوك وفما شكون يتواصل معاك