ربي قريب، محب ويهتم بكل تفاصيل حياتنا. هو يعرف قلوبنا ويحبنا رغم كل مشاكلنا وذنوبنا. ايه صحيح ربي يكره الخطية والذنوب اللّي تدمّرنا أما يحبنا ويحب ينجّينا من عبودية الخطية وابليس.
مفمّاش غيرو نجمو نستغيثو بيه وقت الضيق ونفرغو قلوبنا ونشاركو بضعفنا كيما هو من غير خوف. هو اللّي يسمعنا ويحن علينا ويفرّج كربنا ويملا قلوبنا سلام وأمل. تعوّدنا نلوجو على النّاس باش نشكيو همومنا وتعبنا وياما عشنا احباطات وهم حزن بسببهم. الوحيد اللّي ديما حالل ابوابو لينا ديما باش يقبل طلبات المحتاجين هو ملك الملوك، هو القريب، المحب، الحنّان.
كلنا نسمعو ونعرفو سيدنا داود اللّي ربّي عطاه المزامير (في الاسلام معروف الكتاب هذا بالزابور). قريت كتاب المزامير قبل؟ تعرف شنوة فيه؟ (تنجّم تقراه من هوني)
المزامير هو كتاب أو سفر موجود في الكتاب المقدّس وهو مجموعة صلوات قلبية وأشعار وترانيم ومزامير قالهم سيدنا داود بقيادة الوحي الالهي. كي نقرا المزامير نشوفو برشا صفات متع ربّي قوية وثابتة وتعلّمنا المزامير انّو كي نلجؤو لربّي ونشكيولو همومنا هو ديما يسمع ويفهم ضعفنا ويستجيب لينا ويرحمنا. مفمّاش أروع من الاحساس انّو ملك الملوك ديما معاك وقادر يخرّجك من كل ضيقة مهما كانت صعيبة وقت اللّي تلجأ ليه.
اقرا سفر المزامير واستمتع بقوة الصّلاة والاتكال على الله في كل الحالات. من اكثر المزامير القريبة لقلبي واللّي علمتني كيفاش نعتمد على الله في كل ضعفي وضيقي هو المزمور رقم 42 ونحب نشاركو معاك:
1مِثْلَمَا تَشْتَاقُ الْغِزْلاَنُ إِلَى جَدَاوِلِ الْمِيَاهِ، هَكَذَا تَشْتَاقُ نَفْسِي إِلَيْكَ يَااَللهُ. 2نَفْسِي عَطْشَى إِلَى اللهِ الإِلَهِ الْحَيِّ، فَمَتَى أَجِيءُ وَأَمْثُلُ أَمَامَ اللهِ؟ 3قَدْ صَارَتْ دُمُوعِي طَعَامِي الْوَحِيدَ نَهَاراً وَلَيْلاً، إِذْ قِيلَ لِي كُلَّ يَوْمٍ: «أَيْنَ إِلَهُكَ»؟ 4حِينَ أَتَأَمَّلُ فِي نَفْسِي تُعَاوِدُنِي هَذِهِ الذِّكْرَى: كَيْفَ كُنْتُ أُرَافِقُ حُشُودَ الْعَابِدِينَ الْمُحْتَفِلِينَ بِالْعِيدِ وَأَقُودُهُمْ فِي الْحُضُورِ إِلَى بَيْتِ اللهِ، هَاتِفاً مَعَهُمْ فَرَحاً وَحَمْداً. 5لِمَاذَا أَنْتِ مُكْتَئِبَةٌ يَانَفْسِي؟ وَلِمَاذَا أَنْتِ قَلِقَةٌ فِي دَاخِلِي؟ تَرَجَّيِ اللهَ، فَإِنِّي سَأَظَلُّ أَحْمَدُهُ، لأَنَّهُ عَوْنِي وَإِلَهِي.
6إِلَهِي، إِنَّ نَفْسِي مُكْتَئِبَةٌ فِيَّ، لِذَلِكَ أَذْكُرُكَ مِنْ وَادِي الأُرْدُنِّ، وَمِنْ جِبَالِ حَرْمُونَ، وَمِنْ جَبَلِ مِصْعَرَ. 7أَمْوَاجُ النَّكَبَاتِ تَوَالَتْ عَلَيَّ كَمَا تَتَوَالَى مِيَاهُ شَلاَلاَتِكَ. 8يُبْدِي الرَّبُّ لِي رَحْمَتَهُ فِي النَّهَارِ، وَفِي اللَّيْلِ تُرَافِقُنِي تَرْنِيمَتُهُ، صَلاَةٌ لإِلَهِ حَيَاتِي. 9أَقُولُ للهِِ صَخْرَتِي: «لِمَاذَا نَسِيْتَنِي؟» لِمَاذَا أَطُوفُ نَائِحاً مِنْ مُضَايَقَةِ الْعَدُوِّ؟ 10لَقَدْ عَيَّرَنِي مُضَايِقِيَّ وَسَحَقُوا عِظَامِي، إِذْ يَقُولُونَ لِي طُولَ النَّهَارِ: «أَيْنَ إِلَهُكَ؟» 11لِمَاذَا أَنْتِ مُكْتَئِبَةٌ يَانَفْسِي، وَلِمَاذَا أَنْتِ قَلِقَةٌ؟ تَرَجَّيِ اللهَ، فَإِنِّي سَأَظَلُّ أَحْمَدُهُ، لأَنَّهُ عَوْنِي وَإِلَهِي
- زعما مشاكلي وضعفي يقرّبني والا يبعّدني على ربّي؟
- شنوّة معناها يكون عندي رجاء في الله؟
ضاقت بيك الدنيا؟ حاصرتك الهموم؟ تعبت من دوامة المشاكل؟ ارفع راسك للسماء وصلّي كيما سيدنا داود واشكي همّك لله وخلّي ديما عندك أمل ورجاء انّو يسمع فيك ويحب ينجّيك.
لو عجبك صلاة سيدنا داود شاركها زادا مع اصحابك او اي شخص تعرفو محتاج يعرف انّو ينجّم يشكي همّو وضعفو لله أرحم الرّاحمين.
لو عندك سؤال او استفسار اكتبلنا في الفاسبوك وفما شكون يتواصل معاك