fbpx

المعلومة الثانية: فمّا ثمن لازمك تدفعو باش تتبع المسيح

شنوّة؟ ولّيت مسيحي؟ مَاهُو على خاطر المسيحية دين ساهل مفيه شيء لازمك تعملو…

زعما بالحق تعيش مسيحي حاجة ساهلة؟ الحياة مع المسيح ساهلة؟

الاجابة كيما العادة نلقاوها في الانجيل. الشخص اللّي يلوّج باش يولّي مسيحي على حياة ساهلة نحب نقولو راهو الحياة المسيحية صعيبة برشا ومستحيلة عليك:

“اُدْخُلُوا مِنَ الْبَابِ الضَّيِّقِ! فَإِنَّ الْبَابَ الْمُؤَدِّيَ إِلَى الْهَلاَكِ وَاسِعٌ وَطَرِيقَهُ رَحْبٌ؛ وَكَثِيرُونَ هُمُ الَّذِينَ يَدْخُلُونَ مِنْهُ. مَا أَضْيَقَ الْبَابَ وَأَصْعَبَ الطَّرِيقَ الْمُؤَدِّيَ إِلَى الْحَيَاةِ! وَقَلِيلُونَ هُمُ الَّذِينَ يَهْتَدُونَ إِلَيْهِ” الانجيل بحسب متى 7: 13.

أما الشخص اللّي يلوّج على الحق وعلى الحياة مع ربي وقتها تولّي الحياة مع المسيح توصّلو للراحة الحقيقية والفرح والسلام:

“تَعَالَوْا إِلَيَّ يَاجَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ. اِحْمِلُوا نِيرِي عَلَيْكُمْ، وَتعَلَّمُوا مِنِّي، لأَنِّي وَدِيعٌ وَمُتَوَاضِعُ الْقَلْبِ، فَتَجِدُوا الرَّاحَةَ لِنُفُوسِكُمْ»” الانجيل بحسب متى 11: 28-29

فمّا ثمن غالي لازمك تدفعو باش تعيش كمسيحي حقيقي ويسوع المسيح شجّع الناس الكل انهم يحسبو التكلفة ويخمّمو في الربح الاعظم اللّي يستنّاهم:

“ثُمَّ قَالَ لِلْجَمِيعِ: «إِنْ أَرَادَ أَحَدٌ أَنْ يَسِيرَ وَرَائِي، فَلْيُنْكِرْ نَفْسَهُ وَيَحْمِلْ صَلِيبهُ كُلَّ يَوْمِ وَيَتْبَعْنِي. فَأَيُّ مَنْ أَرَادَ أَنْ يُخَلِّصَ نَفْسَهُ، يَخْسَرُهَا؛ وَلكِنَّ مَنْ يَخْسَرُ نَفْسَهُ مَنْ أَجْلِي، فَهُوَ يُخَلِّصُهَا. فَمَاذَا يَنْتَفِعُ الإِنْسَانُ لَوْ رَبِحَ الْعَالَمَ كُلَّهُ وَخَسِرَ نَفْسَهُ أَوْ أَهْلَكَهَا؟ فَإِنَّ مَنْ يَسْتَحِي بِي وَبِكَلاَمِي، فَبِهِ يَسْتَحِي ابْنُ الإِنْسَانِ لَدَى عَوْدَتِهِ فِي مَجْدِهِ وَمَجْدِ الآبِ وَالْمَلاَئِكَةِ الْمُقَدَّسِينَ” الانجيل بحسب لوقا 9: 23-26.

وضحلنا الكتاب المقدس اللّي احنا نعيشو في عالم فيه قلوبنا وافكارنا وعدونا الروحي اللّي هو الشيطان الكلهم يخدمو ضد الصالح متاعنا. نحنا منعيشوش في عالم محايد ولو باش نقعدو نتبعو في رغباتنا الجسدية وعاداتنا وتقاليدنا محناش باش ننجحو انّو نتبعو ربي ونعرفوه. هذي معركة بالحق ويسوع حضّرنا من قبل وقاللنا انّو اللّي يحب يتبّعو لازم يحمل كل نهار صليبو.

الصليب هوني مش انك تلبس شركة فيها صليب كيما يفكرو برشا. لا ماهوش مهم هذا. الصليب كان سلاح متع إعدام في زمان المسيح. والمسيح مات على الصليب وهو اللّي علّمنا انّو

“لَيْسَ التِّلْمِيذُ أفْضَلَ مِنَ الْمُعَلِّمِ، وَلاَ الْعَبْدُ أفْضَلَ مِنْ سَيِّدِهِ. يَكْفِي التِّلْمِيذَ أَنْ يَصِيرَ مِثْلَ مُعَلِّمِهِ، وَالْعَبْدَ مِثْلَ سَيِّدِهِ” الانجيل بحسب متى 10: 24-25.

أحنا نتبعو السيد متاعنا وقت اللّي أول حاجة نعملوها هي ننكرو رواحنا ونموتو على رغباتنا الأنانية وقيم العالم الزائل هذايا ونلوّجو على مشيئة ربي والمبادئ متاعو هو.

قبل ما يخونو يهوذا ويتشد ويتصلب ويموت، كان يسوع يشارك ببرشا حاجات مع التلاميذ متاعو (الحواريين). ومن بعد قاللهم:

“أَخْبَرْتُكُمْ بِهَذَا كُلِّهِ لِيَكُونَ لَكُمْ فِيَّ سَلاَمٌ. فَإِنَّكُمْ فِي الْعَالَمِ سَتُقَاسُونَ الضِّيقَ. وَلكِنْ تَشَجَّعُوا، فَأَنَا قَدِ انْتَصَرْتُ عَلَى الْعَالَمِ” الانجيل بحسب يوحنا 16: 33.

برشا منّا عاش هذا في حياتو وقت اللّي قبل المسيح. أقرب الناس لينا ينكرو فينا وينعتونا بأخيب الاوصاف، أصحابنا يعاديونا وأهلنا يقاطعونا وبرشا مشاكل أخرى. حتّى تاريخ اجدادنا في شمال افريقيا مليان بناس مسيحيين دفعو ثمن قبولهم للمسيح حتى اخر لحظة في حياتهم ( شوف بربتوا وفلستي الشهداء المسيحيين من تونس).

“هَا أَنَا أُرْسِلُكُمْ مِثْلَ الْخِرَافِ بَيْنَ الذِّئَابِ، فَكُونُوا مُتَنَبِّهِينَ كَالْحَيَّاتِ وَمُسَالِمِينَ كالْحَمَامِ. احْذَرُوا مِنَ النَّاسِ! فَإِنَّهُمْ سَيُسَلِّمُونَكُمْ إِلَى الْمَحَاكِمِ، وَيَجْلِدُونَكُمْ فِي مَجَامِعِهِمْ؛ وَتُسَاقُونَ لِلْمُثُولِ أَمَامَ الْحُكَّامِ وَالْمُلُوكِ مِنْ أَجْلِي: فَيَكُونُ ذَلِكَ شَهَادَةً لِي لَدَى الْيَهُودِ وَالأُمَمِ عَلَى السَّوَاءِ. فَحِينَ يُسَلِّمُونَكُمْ، لاَ تَهْتَمُّوا كَيْفَ تَتَكَلَّمُونَ أَوْ مَاذَا تَقُولُونَ. فَإِنَّكُمْ فِي تِلْكَ السَّاعَةِ يُعْطَى لَكُمْ مَا تَقُولُونَ. فَلَسْتُمْ أَنْتُمُ الْمُتَكَلِّمِينَ، بَلْ رُوحُ أَبِيكُمْ هُوَ الَّذِي يَتَكَلَّمُ فِيكُمْ. وَسَوْفَ يُسَلِّمُ الأَخُ أَخَاهُ إِلَى الْمَوْتِ، وَالأَبُ وَلَدَهُ. وَيَتَمَرَّدُ الأَوْلاَدُ عَلَى وَالِدِيهِمْ، وَيَقْتُلُونَهُمْ! وَتَكُونُونَ مَكْرُوهِينَ لَدَى الْجَمِيعِ مِنْ أَجْلِ اسْمِي. وَلَكِنَّ الَّذِي يَثْبُتُ إِلَى النِّهَايَةِ، هُوَ الَّذِي يَخْلُصُ” الانجيل بحسب متى 10: 16-22

زيد انّك تعيش في عالم كلّو يدزّك باش تغلط كل يوم ماهيش حاجة ساهلة، أما ربي وعدنا انّو هو معانا ديما ويعاونّا كل يوم باش نتغلبو على كل التجارب ونعيشو حياة القداسة معاه والثمن اللّي ندفعوه باش نعيشو مع المسيح مهما كان غالي ميساوي شيء قدّام الفرحة اللّي يعطيهالنا ربّي واحنا معاه رغم كل المشاكل والسلام الداخلي رغم كل الاضطرابات.

الحياة المسيحية ساهلة؟ كانك تلوّج على الراحة والحياة اللّي كلها ورود نحب نقولك ماهيش الادريسة الصحيحة أما كان تلوّج على الحق والنور الحقيقي نحب نقولك انّو الراحة والفرح في داخلك اللّي باش تلقاه مع ربي باش يخلّيك طاير بالفرحة وانت في عز مشاكلك والناس الكل ضدّك على خاطر السلام والراحة والفرح اللّي باش تاخذهم ماهمش متع الدنيا هذي شوية وقت ويطيرو أما متع ربي اللّي ميتزعزعوش مهما يصير البرّا.