fbpx

مثل السراج

مثل السراج هو مثل قصير أما عندو معاني كبيرة

ثُمَّ قَالَ لَهُمْ:«هَلْ يُؤْتَى بِسِرَاجٍ لِيُوضَعَ تَحْتَ الْمِكْيَالِ أَوْ تَحْتَ السَّرِيرِ؟ أَلَيْسَ لِيُوضَعَ عَلَى الْمَنَارَةِ؟ لأَنَّهُ لَيْسَ شَيْءٌ خَفِيٌّ لاَ يُظْهَرُ، وَلاَ صَارَ مَكْتُومًا إِلاَّ لِيُعْلَنَ. إِنْ كَانَ لأَحَدٍ أُذُنَانِ لِلسَّمْعِ، فَلْيَسْمَعْ» ”
الانجيل بحسب مرقس 4: 21-23

شكونو النور اللي في السراج؟ هو يسوع اللي قال انو هو نور العالم. قال يسوع للجمع:

“أَنَا نُورُ الْعَالَمِ. مَنْ يَتْبَعْنِي فَلاَ يَتَخَبَّطُ فِي الظَّلاَمِ بَلْ يَكُونُ لَهُ نُورُ الْحَيَاةِ” الانجيل بحسب يوحنا 8: 12

. يسوع هو النور اللي يضوّي بتعليمو ومحبتو والاعلانات اللي حلّت عينين البشرية ويسوع هو النور بشخصيتو القوية والمميزة من محبة وحنان وصبر وعطف ويسوع هو النور بالتضحيات اللي تحمّلها واعظمها هي التضحية الكبيرة اللي عملها باش ينقذ الناس مالموت ومات على الصليب في بلاصتنا. ويسوع هو النور اللي نورلنا عينينا على شكونو ربي بالحق وانو الله محبة.

المسيح مكانش نور لفترة وبعد تصلب ومات وقام مالموت وخلانا من غير نور أما المسيح قالنا انو باش يكون معانا الى نهاية العالم وزادا وعدنا انو احنا نور زادا. قالنا يسوع انو “أنتم نور العالم” الانجيل بحسب متّى 5: 14. وقت نعيشو كيما المسيح علّمنا نورو باش يضوّي في داخلنا وباش يخلّينا احنا زادا نورو على الناس اللي في الظلام.

قال يسوع:

“لاَ يُضِيءُ النَّاسُ مِصْبَاحاً ثُمَّ يَضَعُونَهُ تَحْتَ مِكْيَالٍ، بَلْ يَضَعُونَهُ فِي مَكَانٍ مُرْتَفِعٍ لِيُضِيءَ لِجَمِيعِ مَنْ فِي الْبَيْتِ” الانجيل بحسب متى 5: 15

يسوع شبّه المؤمن بالسراج اللي ينوّر واللي لازمو يتحط في بلاصة تنجم تنور على كل واحد في الدار.

المؤمن لازم يكون نور في وسط عايلتو وصحابو وفي خدمتو وقرايتو. كيفاش المؤمن ينوّر؟ بأعمالو وسلوكو وطاعتو لوصايا ربي. بمحبتو ووداعتو وصبرو وكلامو الباهي باش كل واحد يشوفو يمجد ربي وكيما يقول ربي في الانجيل:

“لِيُضِئْْ نورُكُم قُدَّامَ الناسِ , لِيَروا أَعمالَكُم الصالحةَ ويُمَجِّدوا أَباكُم الذي في السماوات.” الانجيل بحسب متى 5: 16