المستحيل مستطاع

شارك_ الميلاد

قصص وحكايات من فترة ميلاد المسيح أقراها معانا وتأمل فيها وإستخرج منها الدروس العميقة وما تنساش تشارك الفرحة والميلاد

كان زكريا هو الكاهن في الوقت هذاكا لشعب الله وفي الوقت إلّي كان في الهيكل جاه ضيف مفاجئ:

جاه الملاك جبرائيل برسالة من السماء ليه ولمرتو أليصابات

“لا تخف زكريا، قد سمعت تضرعاتك”.

كان كلام الملاك في هاللحظة هي أعظم حاجة صارت في حياة زكريا. سنين وسنين كان هو ومرتو يصلّيوا باش يجيبوا صغار من غير حتى إجابة واليوم جاهم الجواب.

بعد سنين من الإنتظار والصلاة والإيمان، ربي إستجاب. أكيد برشا سؤالات جاتهم في الوقت هذاكا. تنجم اليصابات تولد في العمر هذا؟ باش تنجم تتحمل الولادة؟

لكن الله صالح وقادر على صنع المعجزات.

الله يسمع صلاتك ويهتم بكل إحتياجاتك ويحب أنك تجيه وتصليلوا بثقة.

قال السيد المسيح في الإنجيل:

“اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ. 8لِأَنَّ كُلَّ مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. ” الإنجيل: متى7: 7

على شنوة تصلّي؟ ممكن علاقة مش ناجحة؟ أزمة مادية؟ مشاكل صحية؟ عندك سنين وأنت تصلّي ومجاتكش حتى إستجابة؟

اليوما نحب نقولك إلّي إستجاب لاليصابات وزكريا وعمل معجزة في حياتهم قادر أنو يجاوبك اليوم.

خلّي صلاتك مليانة توقّع وأمل وثقة

في فترة الميلاد هذي نحبوا نتذكروا أنو المعجزات صارت ومازالت تصير والصلوات تستجاب والله يسمع.

اليوم نصدقوا أنو المستحيل هو مستطاع عند الله

لو عندك سؤال أو إستفسار إكتبلنا في الفاسبوك وفما شكون يتواصل معاك