fbpx

لازم تتولد من جديد

الانجيل حكالنا على حادثة مشهورة. فمّا ليلة جا راجل دين يهودي اسمو نيقوديموس للسيد المسيح. رجل الدين هذا كان انسان معروف انو تقي واكيد كان يخمم في داخلو انو خير من برشا عباد.  قال ليسوع المسيح:

“يَا مُعَلِّمُ، نَعْلَمُ أَنَّكَ جِئْتَ مِنَ اللهِ مُعَلِّماً، لأَنَّهُ لَا يَقْدِرُ أَحَدٌ أَنْ يَعْمَلَ مَا تَعْمَلُ مِنْ آيَاتٍ إِلاَّ إِذَا كَانَ اللهُ مَعَهُ». 3 فَأَجَابَهُ يَسُوعُ: «الْحَقَّ الْحَقَّ أَقُولُ لَكَ: لَا أَحَدَ يُمْكِنُهُ أَنْ يَرَى مَلَكُوتَ اللهِ إِلاَّ إِذَا وُلِدَ مِنْ جَدِيدٍ». 4 فَسَأَلَهُ نِيقُودِيمُوسُ: «كَيْفَ يُمْكِنُ الإِنْسَانَ أَنْ يُولَدَ وَهُوَ كَبِيرُ السِّنِّ؟ أَلَعَلَّهُ يَسْتَطِيعُ أَنْ يَدْخُلَ بَطْنَ أُمِّهِ ثَانِيَةً ثُمَّ يُولَدَ؟» الانجيل: يوحنا 3 : 2- 4

ووقتها فهمو المسيح انو احنا الكلنا نتولدو ولادة جسدية أما وقت اللي نقرّرو انو نتبعو الله بكل قلوبنا وقتها باش نعيشو ونختبرو ولادة جديدة روحية وحياة جديدة فيه

مالا مش معنتها واحد تولد في بيت مسيحي والا اهلو مسيحيين  والا واحد عندو برشا معرفة ومعلومات عن الله انو هو عندو علاقة مع ربي. المسيحية ماهيش وراثة والا هي معلومات، المسيحية هي علاقة روحية مع ربي منجمو ندخلو فيها كان منتولدو ولادة روحية وقت اللي نقبلو يسوع المسيح مخلّص لحياتنا. وقتها يصير تغيير شامل في حياتنا تتغير فيها طبيعة الانسان من شخص مينجمش يتحكم في رغباتو وشهواتو لشخص حر عايش في القداسة وبعيد على المعاصي. ويولي عندو فكر المسيح الروحي ومعادش عندو افكار العالم الارضية

«فَأَنْتُمْ قَدْ وُلِدْتُمْ وِلاَدَةً ثَانِيَةً لَا مِنْ زَرْعٍ بَشَرِيٍّ يَفْنَى، بَلْ مِمَّا لَا يَفْنَى: بِكَلِمَةِ اللهِ الْحَيَّةِ الْبَاقِيَةِ إِلَى الأَبَدِ. (1 بطرس 1 : 23)

الكتاب المقدس يقولنا اللي:

“فَإِنَّهُ إِذَا كَانَ أَحَدٌ فِي الْمَسِيحِ، فَهُوَ خَلِيقَةٌ جَدِيدَةٌ: إِنَّ الأَشْيَاءَ الْقَدِيمَةَ قَدْ زَالَتْ، وَهَا كُلُّ شَيْءٍ قَدْ صَارَ جَدِيداً.” كورنثوس الثانية 5: 17

لو انت زادا تحب تقبل المسيح وتعطي حياتك ليه وتختبر الولادة الجديدة بالروح صلي الصلاة هذي:

ياالهي العظيم
نحب نتولد من جديد بالروح. نحب نتخلّى على كل شهواتي ورغباتي الشخصيّة. انت يارب تعرف الاحسن ليّا ونعطيك كلّ الثقة بالكامل. نحب نعيش كل الباقي من حياتي ليك. انا نصدّق اللي السيد المسيح هو مات على خاطري. يارب اغفرلي ذنوبي في الماضي. نحب نبدا من جديد معاك ونحب نتبعك. نحب نبدا كيما الطفل الصغير اني نكبر في معرفتك لاخر يوم في عمري.