النبؤات إلّي تحكي على ميلاد المسيح

فكرة الإحتفال بعيد ميلاد شخص هي فكرة قديمة، وأول مرّة يتحكى فيها على الإحتفال بعيد ميلاد في الكتاب المقدس كان الإحتفال بعيد ميلاد فرعون، تقول كلمة ربّي:

”فحدث في اليوم الثالث، يوم ميلاد فرعون، أنه صنع وليمة لجميع عبيده، ورفع رأس رئيس السقاة ورأس رئيس الخبازين بين عبيده.“ تكوين 40: 20

موش بشرطه كان هذاك أقدم إحتفال بعيد ميلاد، أما الأكيد إنّو النوعيّة هذي من الإحتفالات كانوا يعملوها الناس المهميّن والنّاجحين في حياتهم.

وعلى قدر ما يكون الإنسان مهم وناجح في حياتو تبقى النّاس تتفكروا ويحتفلوا بعيد ميلادو لمدة طويلة حتى بعد ما يموت.

ميلاد المسيح موش فقط قسم تاريخ البشرية لقسمين ما قبل الميلاد وما بعد الميلاد وموش فقط مازالت الناس تحتفل بيه ليومنا هذا وبعد مرور أكثر من 2000 عام، أما الميلاد هذا وقبل ما يتم سبق وتنبأ بيه برشه أنبياء.

ثمه قرابة 18 نبوة في العهد القديم تحكي على ميلاد المسيح، وحده من أشهر النبؤات هذي هي إلّي جات على لسان النبي إشعياء (القرن 8 قبل الميلاد)، تقول كلمة ربي:

”ولكن يعطيكم السيد نفسه آية.ها العذراء تحبل وتلد إبنا وتدعو إسمه عمانوئيل.“ إشعياء7: 14

وصار إلّي قال عليه النبي إشعياء والعذراء حبلت بالروح القدس وولدت عمانوئيل إلّي معناه الله معنا. 

يقول البشير متّى:

” أما ولادة يسوع المسيح فكانت هكذا: لما كانت مريم أمه مخطوبة ليوسف قبل أن يجتمعا وجدت حبلى من الروح القدس. فيوسف رجلها إذ كان بارا ولم يشا أن يشهرها أراد تخليتها سرا. ولكن فيما هو متفكر في هذه الأمور إذا ملاك الرب قد ظهر له في حلم قائلا: «يا يوسف إبن داود لا تخف أن تاخذ مريم إمراتك لأن الذي حبل به فيها هو من الروح القدس. فستلد إبنا وتدعوا إسمه يسوع لأنه يخلص شعبه من خطاياهم». وهذا كله كان لكي يتم ما قيل من الرب بالنبي: «هوذا العذراء تحبل وتلد إبنا ويدعون إسمه عمانوئيل» (الذي تفسيره: الله معنا).“ متى1: 18 ـ 23.

وحكى النبي ميخا في القرن 8 قبل الميلاد على البقعة إلّي باش يتولد فيها المسيح ”بيت لحم“ تقول كلمة ربي:

”أما أنت يا بيت لحم افراتة وأنت صغيرة أن تكوني بين الوف يهوذا فمنك يخرج لي الذي يكون متسلطا على إسرائيل ومخارجه منذ القديم منذ ايام الازل.“ ميخا5: 2 

وفعلا تولد المسيح في بيت لحم. 

وتنبأ النبي إرميا (القرن 8 قبل الميلاد) على المجزرة إلّي باش تاقع وقت إلّي هيرودس يلوّج على المسيح باش يقتلوا أوّل ما تولد، تقول كلمة ربّي:

”هكذا قال الرب.صوت سمع في الرامة نوح بكاء مر.راحيل تبكي على أولادها وتابى أن تتعزى عن أولادها لأنهم ليسوا بموجودين.“ أرميا 31: 15 

والنبوءة تحققت بالكامل وقت إلّي تولد المسيح وسجلهالنا الوحي في الكتاب المقدس، تقول كلمة ربّي:

” حينئذ لما رأى هيرودس أن المجوس سخروا به غضب جدا فأرسل وقتل جميع الصبيان الذين في بيت لحم وفي كل تخومها من إبن سنتين فما دون بحسب الزمان الذي تحققه من المجوس. حينئذ تم ما قيل بإرميا النبي: «صوت سمع في الرامة نوح وبكاء وعويل كثير. راحيل تبكي على أولادها ولا تريد أن تتعزى لأنهم ليسوا بموجودين».“ متى 2: 16 ـ 18

ويحكيلنا النبي هوشع (القرن 9 قبل الميلاد) كيفاش باش يمشي المسيح بعدما يتولد لمصر باش ما يقتلوش هيرودس، تقول كلمة ربّي:

”لما كان إسرائيل غلاما أحببته ومن مصر دعوت إبني.“ هوشع 11: 1

وتحققت النبوة هذي كالعادة بالتفصيل بعد ما تولد المسيح، تقول كلمة ربّي:

” فقام وأخذ الصبي وأمه ليلا وإنصرف إلى مصر وكان هناك إلى وفاة هيرودس لكي يتم ما قيل من الرب بالنبي: «من مصر دعوت إبني».“ متى 2: 14 ـ 15.

هذا جزء صغير من النبؤات إلّي تقالت على ميلاد المسيح، والسؤال إلّي يلزمك تجاوب عليه: إذا الإنسان إلّي يبقاوا يحتفلوا بعيد ميلادو مدة طويلة بعد موتو هو إنسان عظيم، إمّالا أشكون هذا إلّي من قبل ما يتولد بمئات السنين والأنبياء تتنبأ على الميلاد متاعو؟

لو عندك سؤال أو إستفسار عن شخص الرب يسوع المسيح وإلاّ على الإيمان المسيحي وإلاّ على كلمة ربي في الإنجيل تنجم تتواصل معانا على الماسنجر متاع المسيح في تونس elmassihfitunis