fbpx

زعما الكتاب المقدس محرّف؟

قبل ما نعرف السيد المسيح ونعرف الحق، كنت ديما نخمّم انو الكتب اللّي نزلت قبل القرآن (التوراة والانجيل) هي كتب محرفة وهذي حاجة تعلّمتها وقالوهالي مالّلي كنت صغير. أما فهمت انو لازم نقرا ونبحث ونلوج على الحق.

طلبي ليك اليوما انك تشوف معايا بمحبة ومن غير تعصّب موضوع التحريف هذا وديما تذكّر الّي ربي خلقلنا عقل باش نلوّجو ونسألو ونميّزو على خاطر كل واحد هو مسؤول على اختياراته.

أوّل حاجة خلّيني نعرّف شنوة هو الكتاب المقدس… الكتاب المقدّس هو كلمة ربي ورسالته للناس ولكل واحد فينا. وهو يتقسم لزوز أقسام: العهد القديم اللّي فيه التوراة والزابور وكتب الانبياء والعهد الجديد اللّي فيه البشائر الاربعة والرسائل وسفر الرؤيا. العهد القديم يؤمنو بيه اليهود واحنا زادا وهو تمهيد لجيّان المسيح وفيه برشا نبوّات ورموز على أنّو المسيح باش يجي ويتصلب ويقوم.

ديما كي نسأل أصحابي المسلمين شنوّة دليلك انو الانجيل محرّف هوما يجاوبوني انّو دليلهم القرآن وهذاكا علاش حبّيت نشوفو مع بعضنا الآيات اللّي تتكلّم في القرآن اللّي يستشهد بيها المسلم وقت يتكلّم على التحريف. لو نحبّو نكونو بالحق موضوعيّين لو نفترضو انو الكتاب المقدس بالحق محرّف يلزمنا نتكلمو على نقاط برشا مهمّة وهي: أوّل حاجة وقتاش صار التحريف؟ قبل الاسلام والا بعد الاسلام؟ وشنية الآيات اللي تتكلّم على التحريف؟

أوّل نقطة: وقتاش صار التحريف؟ قبل الاسلام والا بعدو؟

فمّا برشا ايات من القرآن تورّي انو الانجيل والتوراة اللّي كان موجود وقتها ماهوش محرّف. وهذي بعض الايات:

“نَزَّلَ عَلَيْكَ الكِتابَ بِالْحَقِّ مُصَدِّقاً لِما بَيْنَ يَدَيْهِ وَأنْزَلَ التَّوراةَ وَالإنْجيلْ” آل عمران،

“فَإنْ كُنْتَ في شَكٍ مِمّا أَنْزَلْنا إِلَيْكَ فَاسْألِ الَّذينَ يَقْرَأُوانَ الْكِتابَ مِنْ قَبْلِكَ” يونس 94

“وَإذْ قيلَ لَهُمْ آمِنوا بِما أَنْزَلَ الله قالوا نُؤْمِنُ بِما أُنْزِلَ عَلَينا وَيَكْفُرونَ بِما وَراءَهُ وَهُوَ الْحَقُّ مُصَدِّقاً لِما مَعَهُمْ” البقرة، 91

“وَكَيْفَ يُحَكِّمُونَكَ وَعِندَهُمُ التَّوْرَاةُ فِيهَا حُكْمُ اللّهِ ثُمَّ يَتَوَلَّوْنَ مِن بَعْدِ ذَلِكَ وَمَا أُوْلَـئِكَ بِالْمُؤْمِنِينَ” المائدة ، 43

“وَما أرسَلْنا قَبْلَكَ إلا رِجالاً نُوْحي إلَيْهِمْ فَاسْألوا أهْلَ الذِّكْرِ إنْ كُنْتُمْ لا تَعْلَمون” الأنبياء، 7

آيات أخرى: سبأ، 31؛ يونس، 37؛ يوسف، 111؛ الأنعام، 154-157؛ المؤمن، 69-70، الأحقاف، 12، 29-30؛ النساء، 162-163؛ التوبة، 111.

هذايا معنتها انو بحسب القرآن، التوراة والانجيل كانو لاباس عليهم ومش محرفين وقت بداية الاسلام ووصل انو احيانا فما اقتباسات من الكتاب المقدّس كيما

“وَلَقَدْ كَتَبْنا في الزَّبورِ مِنْ بَعْدِ الذِّكْرِ أنَّ الأرْضَ يَرِثُها عِباديَ الصَّالِحو” الأنبياء 105

وفي هذا إشارة واضحة إلى سفر مزامير داؤود الزَّبورَ حيث تقول:

وَالأبْرارُ يَرِثونَ الأَرْضَ وَيَسْكُنونَها لِلأَبَد (سفر المزامير لسيدنا داوود 37 : 29)

“وَكَتَبْنا عَلَيْهِمْ فيها أنَّ النَّفْسَ بِالنَّفْسِ وَالْعَيْنَ بِالْعَيْنِ وَالأَنْفَ بِالأَنْفِ ….” المائدة، 45

وفي هذه اقتباس مباشر من التوراة:

تَأْخُذُ نَفْساً بِنَفْسٍ، وَعَيْناً بِعَيْنٍ، وَسِنّاً بِسِنٍّ، وَيَداً بِيَدٍ، وَرِجْلاً بِرِجْلٍ (الخروج 21 : 23-24)

مالا هوني متنجمش ياصديقي المسلم تقول انو التوراة والانجيل كانو محرّفين وقت ما جاء الاسلام وكلامي هذا بشهادة القرآن وهذا معنتها انّو كان بين ايديهم اللّي خلّينا نسمّيوها النسخة الاصلية… مالا وينهي هالنسخة الاصلية باش نقارنو بينها وبين اللي عندنا توا؟؟ ما فمّا حتى حد ينجم يجاوب على السؤال هذا على خاطر الاتهام متع التحريف معندو حتى دليل مادي وزيد فما مخطوطات اكتشفوها العلماء عام 1947 في قمران بحذا البحر الميت وهي مخطوطات تخبّات مالقرن الاول ميلادي وتدفنت ولقاوها توا وهي نسخ مطابقة للاصل للكتاب المقدّس توا.

فمّا برشا نتيجة نقص المعرفة يستخايلو الترجمات المتعددة اللي عندنا للكتاب المقدس هي اختلاف وتحريف وهوني لازم نفرّق ما بين ترجمات ونسخ. فمّا كتاب واحد اما ببرشا لغات وبرشا لهجات حتى بالتونسي.. علاش؟ باش كل واحد في الدنيا هاذي القاري والأمي، المثقف والبسيط ينجمو يفهمو الكتاب خاطر رسالة ربي ماهيش محدودة في لغة واحدة.

أهم نقطة في هذا الكل هي انّو التوراة والانجيل كلام ربي.. كيفاش ربي يسمح انو كلامه يتحرّف؟

الكتاب المقدّس بيدو يشهد على هذا والسيد المسيح قال:

” السماء والأرض تزولان ولكن كلامي لا يزول” (لوقا 21 : 33)

“إِنْ زَادَ أَحَدٌ شَيْئاً عَلَى مَا كُتِبَ فِيهِ، يَزِيدُهُ اللهُ مِنَ الْبَلاَيَا الَّتِي وَرَدَ ذِكْرُهَا، وَإِنْ أَسْقَطَ أَحَدٌ شَيْئاً مِنْ أَقْوَالِ كِتَابِ النُّبُوءَةِ هَذَا، يُسْقِطُ اللهُ نَصِيبَهُ مِنْ شَجَرَةِ الْحَيَاةِ”. (سفر الرؤيا 22 :18-19)

ربّي بقدرتو ميسمحش انو كلامو يتحرّف وهو قادر انو يحفظ كلامو. ونصيحتي ليك اكتشف وحدك وابحث واقرا واسأل على خاطر وقتها يظهر الحق… لو تحب تقرا الانجيل كلام ربي المعصوم من كل تحريف تنجم تتواصل معانا هوني والا على الفاسبوك وباش نبعثولك نسخة من الانجيل تقراها وتكتشف كلمة ربي ليك.