fbpx

اكتشف الانجيل

الانجيل هو كلمة الله الحية للانسان. رسالة بلغة بسيطة تكلم الناس الكل اما محتواها وتاثيرها عميق وكبير برشا. لو انت شخص تحب تكتشف الانجيل وتتعرف على كلام الله ليك وللانسانية مالا انت في البلاصة الصحيحة. مهما يكون معتقدك او تفكيرك في الوقت الحالي، نحب نقولك انو اكتشاف الانجيل هو فرصة عظيمة ليك.

انا متأكد انو بعد ما تبدا رحلة الاكتشاف باش تعيش تغيير كبير في حياتك. نشجعك انو تكمل في بحثك مش وحدك اما مع عباد تعرفهم وتثق فيهم من صحابك والا عايلتك .علاش؟ شوف شمعنتها نكتشف، نشارك ونطيع في المقالات اللّي اللّوطا.

نحبو نعاونوك انو نعطيوك مثال كيفاش نكتشفو الانجيل وتفهم اكثر قصد ربي لحياتك ومتكونش قراءة سطحية من غير حتى نتيجة. في المثال هذايا نعرضو عليك طريقة تنجم تعملها زادا مع مجموعة من الناس اللي مهتمين كيفك وهكاكة تستفادو اكثر. تنجمو تتلمّو عبر الانترنت والا في مكان معيّن وتبداو تقراو وتتناقشو في جزء من الانجيل.

كمثال باش ناخذو الجزء هذا من الانجيل:

“عَلَى كُلِّ واحِدٍ مِنكُمْ أنْ يَكُونَ مُسرِعاً فِي الاستِماعِ، مُبطِئاً فِي الكَلامِ، وَمُبطِئاً فِي الغَضَبِ. لِأنَّ غَضَبَ الإنسانِ لا يُؤَدِّي إلَى الحَياةِ الصّالِحَةِ الَّتِي يَطلُبُها اللهُ. لِذَلِكَ تَخَلَّصُوا مِنْ كُلِّ خُبْثٍ، وَمِنْ كُلِّ شَرٍّ يُحِيطُ بِكُمْ، وَاقبَلُوا بِوَداعَةٍ الكَلِمَةَ الَّتِي يَغرِسُها اللهُ فِي قُلُوبِكُمْ، وَالقادِرُةَ عَلَى تَخلِيصِكُمْ.

اعمَلُوا دائِماً بِما يَقُولُهُ اللهُ، وَلا تَكتَفُوا بِسَماعِ كَلامِهِ، فَتَخدَعُوا بِذَلِكَ أنفُسَكُمْ. لِأنَّ مَنْ يَسمَعْ كَلامَ اللهِ وَلا يَعمَلُ بِهِ، يُشبِهُ شَخصاً يَنظُرُ إلَى وَجهِهِ فِي مِرآةٍ. فَرَأىْ نَفسَهُ وَلَمْ يُغَيِّرُ بِها شَيئاً، ثُمَّ ذَهَبَ وَنَسِيَ ما رَآهُ! أمّا مَنْ يَتَمَعَنُّ فِي شَرِيعَةِ اللهِ الكامِلَةِ الَّتِي تُحَرِّرُنا، وَيُداوِمُ عَلَى ذَلِكَ دُونَ أنْ يَنسَى ما يَسمَعُ، بَلْ يَعمَلُ بِكَلامِ اللهِ، فَإنَّهُ يَكُونُ مُبارَكاً بِسَبَبِ ذَلِكَ.” رسالة يعقوب 1: 19-25

خلّي واحد من المجموعة يعاود يصيغ هذي الايات بطريقتو الخاصة وبلغتنا العامة. هكاكة نجمو نعرفو شنوة نجمنا نستخلصو من المقطع. ابداو اسالو بعضكم الاسئلة التالية:

  1. شنوة يفهمني المقطع هذا على ربّي؟

  2. شنوة يحب ربي يعلّمنا من المقطع هذا على علاقتنا بيه؟

  3. كيفاش نجم نطبّق اللي تعملمتو في حياتي اليومية؟ شكون من الناس اللي نعرفهم يحتاج يعرف الحاجة هذي وتنجم تشارك معاه المقطع هذا؟

هذا مثال بسيط على كيفاش انجم نكتشف الانجيل في وسط مجموعة.

ما تنساش تتّصل بينا باش تتحصّل على الانجيل وتكون ليك فرصة انّك تتعرّف على كلمة الله الحية.

الوصف