وقتلّي زوز من الناس يقرّرو باش يكمّلو حياتهم مع بعضهم هوما يعملو عقد قران ويعملو حفلة يشهرو فيها العرس متاعهم ويلبس كل واحد منهم خاتم وهذاكا هو العلامة متع الالتزام متاعهم ببعضهم وبعلاقتهم. صحيح الخاتم والحفلة مش هوما الحاجات اللّي خلاتهم معرسين أما بيهم يقولو للعالم الكل انهم متزوجين وملتزمين ببعضهم. هذا ديما يخلّيهم زادا يتفكرو انهم مع بعضهم في وقت الفرح وزادا في وقت المشاكل والتحديات. في الزواج المسيحي مثلا فمّا عهود يقولها ويلتزم بيها كل واحد من العرسان انهم باش يكونو مع بعضهم في السرّاء والضرّاء وانو كل واحد باش يقعد يحب الاخر ويكون سند ليه لباقي العمر.
نفس الحاجة بالنسبة لواحد يقرّر يكون مسيحي. هو يتعهّد لربي انو يكرّس حياتو ليه طول عمرو. اللّي يؤمن بالمسيح يعلن اللّي يسوع هو الرب والمخلّص
“أَنَّكَ إِنِ اعْتَرَفْتَ بِفَمِكَ بِيَسُوعَ رَبّاً، وَآمَنْتَ فِي قَلْبِكَ بِأَنَّ اللهَ أَقَامَهُ مِنَ الأَمْوَاتِ، نِلْتَ الْخَلاصَ.” الانجيل، رومية 10: 9.
كيما الخاتم هو العلامة في العرس، فمّا علامة خارجيّة في المسيحية وهي اللّي نسمّيوها المعموديّة.
العهد هذا للأبد ومالازمناش نستخفّو بيه. السيد المسيح قال:
“فَقَالَ لَهُ يَسُوعُ: «مَا مِنْ أَحَدٍ يَضَعُ يَدَهُ عَلَى الْمِحْرَاثِ وَيَلْتَفِتُ إِلَى الْوَرَاءِ، يَصْلُحُ لِمَلَكُوتِ اللهِ” الانجيل: لوقا 9: 62.
المعمودية هي البداية متع حياة الطاعة والعلاقة مع ربّي. وقتلّي ياخو الواحد القرار هذا باش يبدا يكبر كلّ نهار في المحبّة والطاعة متع ربّي باقي عمرو.
كيفاش نتعمدو؟ المعمودية هي التغطيس في الماء. والكتاب المقدّس يفهّمنا اللّي
“وَعَمَلِيَّةُ النَّجَاةِ هَذِهِ مُصَوَّرَةٌ فِي الْمَعْمُودِيَّةِ الَّتِي لاَ نَقْصِدُ بِهَا أَنْ نَغْتَسِلَ مِنْ أَوْسَاخِ أَجْسَامِنَا، بَلْ هِيَ تَعَهُّدُ ضَمِيرٍ صَالِحٍ أَمَامَ اللهِ بِفَضْلِ قِيَامَةِ يَسُوعَ الْمَسِيحِ” رسالة بطرس الاولى 3: 21
المعمودية بالماء كيما قلنا هي علامة ورمز على ذنوبنا اللي تغسلت وقتلّي خذينا الغفران من عند ربّي على خاطر السيد المسيح فدانا على الصليب. (اعرف هوني
كيفاش المسيح فدانا بدمو على الصليب
). وكيما السيد المسيح اللّي مات وقام من الموت، أحنا زادا نعبّرو بالمعموديّة اللّي أحنا متنا على كل حاجة من الماضي وقتلّي كنّا عبيد لذنوبنا ورغباتنا وشهواتنا وقمنا من جديد باش نكونو في حياة جديدة مع ربّي. هي الصورة الخارجية اللّي نعبرو فيها اللّي أحنا نتوبو على كل حاجة عملناها في الماضي ونتبعو طريق ربي ونعيشو في القداسة معاه.
أقرا من هوني على حكايات لناس تعمدت في الكتاب المقدّس.
لو تحب تتواصل مع أخ مسيحي وتفهم اكثر على المعمودية تنجم تكتبلنا في الخاص