fbpx

شمعنتها نكتشف؟

كلمة نكتشف ديما مربوطة باني نعرف حاجات جديدة وبرحلة فيها برشا مغامرات وتحدّيات اما زادا فرحة كبيرة بالحاجة الجديدة اللّي نكتشفوها. الاكتشاف حاجة حلوة في حياتنا ويكون ليها معنى أسمى واعمق وقتلّي تكون مربوطة بمعرفة الله واكتشاف كلمتو. الناس، تصرّفاتهم، كلامهم مينجموش يكونو حاجة صحيحة مية في المية هذاكا علاش لازمني نعمّل على حاجة موثوقة ومفيهاش تغيير: كلمة ربّي.
الكتاب المقدّس، كلمة ربّي هو مصدر الايمان المسيحي وهو مكتوب بطريقة واضحة وبسيطة باش أي انسان ينجّم يفهم ويعرف الله. ما نحتاجوش نكونو علماء دين والاّ نجيبو كتب تفاسير باش نفهمو ونكتشفو الكتاب المقدّس وهذي نعمة الله لينا على خاطرو اختار رسالتو تكون بسيطة للكل أما عميقة وتغيّر الحياة متع كل واحد يقبلها.

“فَتْحُ كَلاَمِكَ يُنِيرُ الذِّهْنَ، وَيَهِبُ الْبُسَطَاءَ فَهْماً.” مزمور119: 130.

“فَالرَّبُّ، إِذَنْ، لاَ يُبْطِيءُ فِي إِتْمَامِ وَعْدِهِ، كَمَا يَظُنُّ بَعْضُ النَّاسِ، وَلَكِنَّهُ يَتَأَنَّى عَلَيْكُمْ، فَهُوَ لاَ يُرِيدُ لأَحَدٍ مِنَ النَّاسِ أَنْ يَهْلِكَ، بَلْ يُرِيدُ لِجَمِيعِ النَّاسِ أَنْ يَرْجِعُوا إِلَيْهِ تَائِبِينَ.” 2بطرس3: 9.

السيد المسيح قال انّو لازم نتواضعو قدّام كلمة ربّي ونتعلمو منها. وقت اللّي نجيو قدّام كلمة ربّي لازمنا انّحيو كل كبرياء ونسمحو انّو ربّي يعلّمنا. في كلام ربي نلقاو الحق الكامل وساعات تكون الحقيقة مختلفة على اللّي عرفناه وتعلّمناه قبل وتواضعنا وثقتنا في ربّي يخلّيونا انكسرو كل حاجات غالطة في حياتنا. أهم حاجة لازم ديما نصلّيو ونقولو “يارب علّمني وفهّمني وورّيني الحق”.

“الْحَقَّ أَقُولُ لَكُمْ إِنْ كُنْتُمْ لاَ تَتَحَوَّلُونَ وَتَصِيرُونَ مِثْلَ الأَوْلاَدِ الصِّغَارِ، فَلَنْ تَدْخُلُوا مَلَكُوتَ السَّمَاوَاتِ أَبَداً. فَمَنِ اتَّضَعَ فَصَارَ مِثْلَ هَذَا الْوَلَدِ الصَّغِيرِ، فَهُوَ الأَعْظَمُ فِي مَلَكُوتِ السَّمَاوَاتِ” الانجيل: متى18: 3-4.

متخافش من الاكتشاف والمعرفة على خاطر فمّا حاجة حلوة تعزّينا وتشجّعنا وهي اللّي كلمة ربّي محفورة في قلوبنا حتّى من غير إدراكنا. وانت تقرا باش تحس انّو هذا هو الكلام اللّي روحك ترتاحلو وهذا هو التعليم اللّي تحس روحك تعرفو وتصدّق انّو حقيقة رغم انك اول مرة تسمع بيه.
ما تنساش تتّصل بينا باش تتحصّل على الانجيل وتكون ليك فرصة انّك تتعرّف على كلمة الله الحية.

نكتشف ديما مربوط بانّي نشارك اللّي عرفتو ونطيعو في حياتي. نشجعك تقرا وتفهم شمعنتها نكتشف وشمعنتها نطيع.

لو عندك سؤال او استفسار اكتبلنا في الفاسبوك وفما شكون يتواصل معاك