fbpx

الله محبّة

الكتاب المقدّس يعلّمنا بطريقة واضحة انّو “الله محبّة”. مش هو يحب والاّ عندو محبّة لا هو المحبّة وفمّا فرق كبير بين الكلمات هذوما على خاطر وقتلّي نقول الله محبة هذا معنتها انو هذي الصفة متع ربي الاساسية وانّو هو المنبع والمصدر متع كل محبة على وجه الارض.

“7أَيُّهَا الأَحِبَّاءُ، لِنُحِبَّ بَعْضُنَا بَعْضاً: لأَنَّ الْمَحَبَّةَ تَصْدُرُ مِنَ اللهِ. إِذَنْ، كُلُّ مَنْ يُحِبُّ، يَكُونُ مَوْلُوداً مِنَ اللهِ وَيَعْرِفُ اللهَ . 8أَمَّا مَنْ لاَ يُحِبُّ، فَهُوَ لَمْ يَتَعَرَّفْ بِاللهِ قَطُّ لأَنَّ اللهَ مَحَبَّةٌ! 9وَقَدْ أَظْهَرَ اللهُ مَحَبَّتَهُ لَنَا إِذْ أَرْسَلَ ابْنَهُ الْوَحِيدَ إِلَى الْعَالَمِ لِكَيْ نَحْيَا بِهِ. ” 1يوحنا4: 7-9

في الانجيل فمّا أنواع للحب منها الحب الجسدي والحب اللي فيه المصلحة اما حب الله هو الحب الفريد اللّي من غير شروط ومن غير حدود. ربّي ميعطيناش الحب أكاهو أما زادا هو منبع الحب وهو الوحيد اللّي ينجّم يعلّمنا بالحق كيفاش نحبّو:

“وَنَحْنُ نُحِبُّ، لأَنَّ اللهَ أَحَبَّنَا أَوَّلاً.” 1يوحنا 4: 19.

محبة ربي مش كلام نقراوه ونفرحو بيه أكاهو اما هي حاجة لمسناها وحسيناها وشفناها بعينينا على خاطر ربي عبرلنا على محبتو بطريقة ملموسة وتعبير محبة ربي هو في السيد المسيح. ربي خلقنا واحبنا وأعلن على روحو لينا عن طريق يسوع المسيح.

“وَالْكَلِمَةُ صَارَ بَشَراً، وَخَيَّمَ بَيْنَنَا، وَنَحْنُ رَأَيْنَا مَجْدَهُ، مَجْدَ ابْنٍ وَحِيدٍ عِنْدَ الآبِ، وَهُوَ مُمْتَلِىءٌ بِالنِّعْمَةِ وَالْحَقِّ.” الانجيل: يوحنا 1: 14.

من أحلى المقاطع في الانجيل هي الايات اللي تحكي على المحبة وكيفاش ربي يعبر على محبتو لينا. مكتوب في الانجيل في كورنثوس الاولى 13:

“لْمَحَبَّةُ تَصْبِرُ طَوِيلاً؛ وَهِيَ لَطِيفَةٌ. الْمَحَبَّةُ لاَ تَحْسُدُ. الْمَحَبَّةُ لاَ تَتَفَاخَرُ وَلاَ تَتَكَبَّرُ. 5لاَ تَتَصَرَّفُ بِغَيْرِ لِيَاقَةٍ، وَلاَ تَسْعَى إِلَى مَصْلَحَتِهَا الْخَاصَّةِ. لاَ تُسْتَفَزُّ سَرِيعاً، وَلاَ تَنْسُبُ الشَّرَّ لأَحَدٍ. 6لاَ تَفْرَحُ بِالظُّلْمِ، بَلْ تَفْرَحُ بِالْحَقِّ. 7إِنَّهَا تَسْتُرُ كُلَّ شَيْءٍ، وَتُصَدِّقُ كُلَّ شَيْءٍ، وَتَرْجُو كُلَّ شَيْءٍ، وَتَتَحَمَّلُ كُلَّ شَيْءٍ. 8الْمَحَبَّةُ لاَ تَزُولُ أَبَداً. “

محبة ربي ما توفاش ومحبة ربي هي عطاء مش أخذ وربي عطانا ولدو يموت في بلاصتنا باش أحنا نعيشو (اعرف معنى

المسيح ابن الله من هوني

“لأَنَّهُ هكَذَا أَحَبَّ اللهُ الْعَالَمَ حَتَّى بَذَلَ ابْنَهُ الْوَحِيدَ، لِكَيْ لاَ يَهْلِكَ كُلُّ مَنْ يُؤْمِنُ بِهِ، بَلْ تَكُونُ لَهُ الْحَيَاةُ الأَبَدِيَّةُ.” الانجيل: يوحنا3: 16.

أحنا معملنا شيء باش نستحقو محبة ربي العظيمة هذي

> “وَلَكِنَّ اللهَ أَثْبَتَ لَنَا مَحَبَّتَهُ، إِذْ وَنَحْنُ مَازِلْنَا خَاطِئِينَ مَاتَ الْمَسِيحُ عِوَضاً عَنَّا.” رومية5: 8.

ربي كان يعرف انو احنا غالطين ومذنبين أما قرّر انو يخلّصنا من حكم الموت علينا.

الله محبة وهو اللّي خلق المحبة وخلقنا باش نحبّوه ونعيشو العلاقة المزيانة هذي. وقت اللي نقبل محبة ربي واللي عملو على خاطري معادش نجم نعمل الذنوب والخطايا مش على خاطر انا نخاف منو أما على خاطرني نحبو ومليان بهالحب اللي غامرني بيه وكيما يقول النبي سليمان الحكيم: “النفس الشبعانة تدوس العسل” أمثال27: 7. التحدي اللّي في حياة الانسان هو انو يقبل المحبة العظيمة هذي واللي بيها باش يكون لينا حق انو نعيشو معاه للأبد:

“فَإِنَّكُمْ بِالنِّعْمَةِ مُخَلَّصُونَ، بِالإِيمَانِ، وَهَذَا لَيْسَ مِنْكُمْ. إِنَّهُ هِبَةٌ مِنَ اللهِ، 9لاَ عَلَى أَسَاسِ الأَعْمَالِ، حَتَّى لاَ يَفْتَخِرَ أَحَدٌ.” أفسس2: 8-9.

تحب تعرف أكثر على محبة ربي وشنوة عمل على خاطرك انت بالذات تنجّم تتصل بنا او تكتبلنا في الخاص في الفاسبوك ونجمو نبعثولك نسخة من الانجيل مجانا وين انت.