fbpx

شكونو الروح القدس و شنوا علاقته بربي و شنوا ينجم يعمل؟؟؟؟

   أحنا كمسيحيين نؤمنوا إنه الروح القدس هو روح الله و هو الأقنوم الثالث في الثالوث المقدس الله الواحد الي مانجموش نفصلوا بين أقانيموا الثلاثة و زادا مانجموش نفرقو بيناتهم و نخيروا واحد على الاخر.

   و كلام ربي في الكتاب المقدس يعلمنا و يأكدلنا بالواضح إلي الروح القدس هو شخص أو كيان عنده صفاته الالاهية و متميز بما أنه هو الي يجدد الحياة . مزمور 104: 30 “ترسل روحك فتخلق . و تجدد وجه الأرض” .

و يأكدلنا الكتاب المقدس زادا إلي الروح القدس في وحدة إلاهية مع الآب و الإبن . و يتسمى قدوس على خاطر يقدس حياة المؤمن. معناها الروح القدس يتمتع بالصفاة الالاهية الكل.و هو يغير في حياة المؤمن و عمله ما يوفاش و في تناسق دايم مع عمل المسيح بالنسبة للكنيسة الي يتمثل في العمل الكفاري على الصليب. كيف ما الكتاب المقدس يعطينا برشا معلومات إلي تأكدلنا هوية الروح القدوس و يورينا أعماله و يعددلنا أسماءه و صفاته.

صفات الروح القدوس: 

  كيف نقراو الوحي الالاهي في الكتاب المقدس نلقاو برشا صفاة للروح القدوس و أهمها:

  • الأزلي: الروح القدوس أزلي يعني موجود من لول و قبل كل الخليقة. تكوين1: 2 ” و كانت الأرض خربة و خالية ، و روح الله يرف على وجه المياه” و في رسالة عبرانيين 9: 14 ” فكم بالحري يكون دم المسيح ، الذي بروح أزلي قدم نفسه لله بلا عيب يطهر ضمائرنا من أعمال ميتهلتخدموا الله الحي!”
  • يعرف كل شيء و عنده علم بكل شيء. رسالة كورنثوس الأولى 2: 10 “فأعلنه الله لنا نحن بروحه.لأن الروح يفحص كل شيء حتى أعماق الله”
  • القدير القادر على كل شيء و هذا واضح في برشا نصوص كتابية . إنجيل يوحنا 3: 5 “أجاب يسوع الحق الحق أقول لك:إن كان أحد لم يولد من الماء و الروح لا يقدر أن يدخل ملكوت الله” و نلقاو زادا في كتاب أيوب 33: 4 “روح الله صنعني و نسمة القدير أحيتني” كيف ما نلقاو زادا في رسالة روميه 15: 19 ” بقوة آيات و عجائب ، بقوة روح الله . حتى إني من أورشليم و ما حولها الليريكون، قد أكملت التبشير بانجيل المسيح”.

أعمال الروح القدوس:

 واضح في الكتاب المقدس إلي الروح القدوس يغير في حياة المؤمنين و يجددهم عن حياتهم القديمة من قبل قبولهم الايمان المسيحي:

  • يعلم المؤمنين و يذكرهم بكلام المسيح الي ديما لازم يطيعوه . إنجيل يوحنا 14: 26 ” و أما المعزي ، الروح القدس، الذي سيرسله الآب بإسمي فهو يعلمكم كل شيء و يذكركم بكل ماقلته لكم”
  • يمجد المسيح: إنجيل يوحنا 16: 14 “ذاك يمجدني ، لأنه يأخذ مما لي و يخبركم”
  • يجدد حياة الانسان روحيا (يتسمى الولادة الجديدة في المسيح)إنجيل يوحنا 3: 6- 8 ” المولود من الجسد جسد هو و المولود من الروح هو روح … هكذا المولود من الروح”
  • يقدسنا: رسالة رومية15: 16 “حتى أكون خادما ليسوع المسيح لأجل الأمم،مباشرا لإنجيل الله ككاهن. ليكون قربان الأمم مقبولا مقدسا بالروح القدس”
  • يرشدنا:إنجيل يوحنا 15: 12 ” هذه هي وصيتي أن تحبوابعضكم بعضا كما أحببتكم”.
  • بعد ما نؤمن بالمسيح ينجم يعطينا مواهب روحية. رسالة كورنثوس الأولى 12: 1 ” و أما من جهة المواهب الروحية أيها الإخوة ، فلست أريدأن تجهلوا، أنتم تعلمون أنكم كنتم أمما منقادين إلى الأوثان البكم كما كنتم تساقون . لذلك أعرفكم أن ليس أحد و هو يتكلم بروح الله يقول” يسوع أناثيما”. و ليس أحد يقدر أن يقول”يسوع رب” إلا بالروح القدس . فأنواع مواهب موجودة و لكن الروح واحد. و أنواع خدم موجودة و لكن الرب واحد. و أنوا أعمال موجودة و لكن الله واحد الذي يعمل الكل في الكل و لكنهلكل واحد يعطى إظهار الروح للمنفعة”.
  • يشهد على المؤمنين انهم أولاد ربي.رسالة رومية 8: 16 
  • يوبخ المؤمنين على الخطية. إنجيل يوحنا 16: 8
  • ديما موجود مع المؤمنين. إنجيل يوحنا 14 :15 .
  • يعاون المؤمنين و يشجعهم باش يشهدوا بانجيل المسيح. أعمال الرسل 1: 8 .
  • يعزي المؤمنين. أعمال الرسل 9: 13 .
  • يقوي المؤمنين. رسالة رومية 15: 13 .
  • يسكن في المؤمنين . رسالة تيموثاوس الثانية1: 14 .
  • عنده قدرة على إحياء الموتى . رسالة رومية 8: 11 .

أسامي الروح القدوس:

يسمي الوحي الاهي في الكتاب المقدس الروح القدوس برشا أسامي منها: “روح الكلمة” و “روح السلام” و ” روح المحبة” و “المعزي” إنجيل يوحنا 14: 26 . و “روح الحق” إنجيل يوحنا 14: 17 و 15 و 26 . و ” روح القداسة” رسالة رومية 1: 4 و ” روح الحياة” و “روح المسيح” رسالة رومية8: 9 و “روح التبني” و “روح الابن” و “روح المجد”و “روح الله” .

الروح القدوس يستجيبلك وقت تحكي معاه و تدعيله:

الروح القدوس يحبك تعرفه و تحكي معاه و تعيطله باش يسكن فيك و يعيش معاك و ينورلك حياتك و تعرف نعمته الغنية و قداش ينجم يباركك في حياتك بعد ما تقبل عمل المسيح الي كفر على ذنوبك و آثامك. يكفي انك تتواضع و تطلبه و هو حاضر باش يسمعك و يأخذ بيدك. لكلنا كمؤمنين مسيحيين كنا بعاد و قبلنا نعمة المسيح و توا متباركين بسكنى روحه فينا .