كيفاش التوانسه ينجموا يوليو مسحيين

احنا توانسه مسيحيين.

باش نوريوكم كيفاش التونسي ينجم يولي مسيحي
(اذا تحبوا تحكيو معانا ابعثلولنا مساج. https://m.me/elmassihfitunis)

كيفاش تولي مسيحي؟

إنك تولي مسيحي يعني انك تؤمن بيسوع المسيح ك ”رب“ و ”مخلص“.

الايمان هذا يؤكد على إنّو المسيح هو ” الرب“ إلي هبط مالسماء للأرض وتجسد في هيئة انسان باش يحل مشكلة الخطيّه الّي فصلت العلاقة بصفة نهائية بين البشرية و الله.

وقت الّي نرجعوا للكتاب المقدس نلقاو الّي أجر الخطيّة هو  الموت. إمّالا البشرية الكل تستاهل جهنم كعقاب الهي. أما ربي يحب الناس الكل وميميزش بينهم لا في أصلهم ولا في جنسهم ولا في مظهرهم، هذاك علاش جاء المسيح وتحمل في عوضنا العقاب الكامل للخطية ومات في عوض البشرية الكل. كان بريء، واختارباش يموت في عوضنا (بالظبط كيف ما تنبؤوا عليه الانبياء الي جاو قبلو) وانتصرعلى الموت وعلى ابليس، وولى ”المنجّي“ متاعنا، والضامن للحياة الأبدية للناس الّي وثقت فيه وآمنت بالّي عملو على خاطرهم.

أعمال الرسل 10: 43 « والأَنْبِيَاءْ الكُلْ يِشْهْدُولُو الِّي كُلْ وَاحِدْ يَأَمِّنْ بِيهْ تِتْغْفِرْ ذْنُوبُو بْإِسْمُو».

نتعلموا مالكتاب المقدس كيفاش نتجاوبوا مع محبة المسيح. باش تكون مؤمن مسيحي لازم تكون مؤمن بالمسيح وبالتضحية الي عملها على خاطرنا

كلمة ربي تقول:
إذا اعترفت بفمك بيسوع رب ليك، وآمنت في قلبك بأنو الله قيموا مالأموات، وقتها  تاخوا الخلاص. والإيمان في القلب يخليك تكون بار، والاعتراف بالفم  يخليك تاخوا الخلاص، على خاطر الكتاب يقول: «الِّي يَمِّنْ بِيهْ عُمْرُو مَا يْخِيبْ».رَاهُو مَا فَمَّاشْ فَرْقْ بِينْ اليْهُودْ ولِّي مَاهُمْشْ يْهُودْ، عْلَى خَاطِرْ اللَّهْ هُوَّ رَبْهُمْ الكُلْ، يْفِيضْ بْخِيرُو عَلِّي يُطْلْبُوهْ الكُلْ.». ««كُلْ مِنْ يُطْلُبْ إِسْمْ الرَّبْ يِنْجَى»». الإنجيل. روميه 10: 9 ـ 13

وقت الي يؤمن الشخص الي يسوع المسيح هو الطريق لغفران الخطايا متاعو، وقتها يبدى حياة جديدة.

2 كورنثوس 5: 17 «وإِذَا كَانْ وَاحِدْ تَابَعْ لِلْمَسِيحْ رَاهُو مَخْلُوقْ جْدِيدْ، الحَاجَاتْ القْدِيمَة تْنَحَّاتْ، وكُلْ شَيْ وَلَّى جْدِيدْ. »

وقتها يولي تابع للمسيح، ويعمّل على المسيح في كل حياتو. الرب يسوع المسيح وعد كل شخص يؤمن به إنو يسكن فيه روح ربي، ويقودوا، ويعلموا كل شيء.

انجيل. يوحنا 14: 26 «آمَا المُعِينْ، الِّي هُوَّ الرُّوحْ القُدُسْ الِّي بِشْ يَبْعْثُو الآبْ بْإِسْمِي، هُوَّ الِّي بِشْ يْعَلِّمْكُمْ كُلْ شَيْ، ويْذَكَّرْكُمْ بِلِّي قُلْتْهُولْكُمْ الكُلْ.»

الشخص الي يقرر باش يولي مسيحي هو شخص التزم باش يكون تابع وفيّ لله. ورمز الالتزام هذا يتسمى معمودية.

1 بطرس 3: 21 «والنْجَاةْ هَاذِي تُرْمُزْ لِلْمَعْمُودِيَّة، ومُشْ مَقْصُودْ بِيهَا غَسْلَانْ وْسَخْ البْدَنْ، آمَا هِيَّ عَهْدْ ضَمِيرْ طَاهِرْ قُدَّامْ اللَّهْ، الِّي يْنَجِّيكُمْ بِقْيَامِةْ يَسُوعْ المَسِيحْ،»

وقت الي نقولوا الي احنا قبلنا الرب يسوع المسيح والي أثامنا تغفرت، هذا مايعنيش انو نعملوا الي نحبوا عليه ونعيشو كيف ما نحبوا. هذا غالط موش صحيح. الحقيقة إنّو إذا بالحق قبلنا الرب يسوع المسيح وفهمنا آش عمل على خاطرنا والسوم الغالي الي دفعوا باش نعيشوا أحرار، وقتها نبداو حياة جديدة، تابعين للرب يسوع المسيح أكهو، وكارهين للاثم الي يبعدنا عليه. وقتها ربي يبدى ينظف في قلوبنا وأذهاننا، ونلقاو أرواحنا قادرين باش نقولوا لا للخطية. محبة ربي تعني انو نطيعوه ونتبعوه. 

الرب يسوع المسيح يقول: 

إنجيل يوحنا 8: 31 ـ 32 «إِذَا كَانْ تِثْبْتُوا فِي كْلَامِي، تْوَلِّيوْ بِالحَقْ تْلَامِذْتِي، وتَعْرْفُوا الحَقْ والحَقْ يْحَرِّرْكُمْ».

كمسيحيين ديما نكبروا في النضج الروحي ونكتشفوا ونشاركوا ونطيعوا كلام ربي في الكتاب المقدس.

احنا بالحق نحبوا نسمعوا قصتك. الاحساس الي تحسو وقت الي تبدى الخطوة الاولى في حياتك ما يتنساش. عشنا في تونس كمسيحيين ونجموا نقولولك الي هذا ممكن. موش مهم الي تحس فيه الوقت هذا والافكار الي قاعده تجي لذهنك، أحنا نحبوا نعاونوك. ننجموا نوريوك كيفاش تلقى السلام الالهي. ايجا وخلينا نبداو نحكيو توه.