فكرة الاحتفال بعيد ميلاد شخص هي فكرة قديمة، وأول مرّة يتحكى فيها على الاحتفال بعيد ميلاد في الكتاب المقدس كان الاحتفال بعيد ميلاد فرعون، تقول كلمة ربّي:
”فحدث في اليوم الثالث، يوم ميلاد فرعون، انه صنع وليمة لجميع عبيده، ورفع راس رئيس السقاة وراس رئيس الخبازين بين عبيده.“ تكوين 40: 20
موش بشرطه كان هذاك اقدم إحتفال بعيد ميلاد، أما الأكيد إنّو النوعيّة هذي من الاحتفالات كانوا يعملوها الناس المهميّن والنّاجحين في حياتهم.
وعلى قدر ما يكون الإنسان مهم وناجح في حياتو تبقى النّاس تتفكروا ويحتفلوا بعيد ميلادو لمدة طويلة حتى بعد ما يموت.
ميلاد المسيح موش فقط قسم تاريخ البشرية لقسمين ما قبل الميلاد وما بعد الميلاد وموش فقط مازالت الناس تحتفل بيه ليومنا هذا وبعد مرور أكثر من 2000 عام، أما الميلاد هذا وقبل ما يتم سبق وتنبأ بيه برشه أنبياء.
ثمه قرابة 18 نبوة في العهد القديم تحكي على ميلاد المسيح، وحده من أشهر النبؤات هذي هي الي جات على لسان النبي إشعياء (القرن 8 قبل الميلاد)، تقول كلمة ربي:
”ولكن يعطيكم السيد نفسه اية.ها العذراء تحبل وتلد ابنا وتدعو اسمه عمانوئيل.“ إشعياء7: 14
وصار الّي قال عليه النبي إشعياء والعذراء حبلت بالروح القدس وولدت عمانوئيل الّي معناه الله معنا.
يقول البشير متّى:
” اما ولادة يسوع المسيح فكانت هكذا: لما كانت مريم امه مخطوبة ليوسف قبل ان يجتمعا وجدت حبلى من الروح القدس. فيوسف رجلها اذ كان بارا ولم يشا ان يشهرها اراد تخليتها سرا. ولكن فيما هو متفكر في هذه الامور اذا ملاك الرب قد ظهر له في حلم قائلا: «يا يوسف ابن داود لا تخف ان تاخذ مريم امراتك لان الذي حبل به فيها هو من الروح القدس. فستلد ابنا وتدعو اسمه يسوع لانه يخلص شعبه من خطاياهم». وهذا كله كان لكي يتم ما قيل من الرب بالنبي: «هوذا العذراء تحبل وتلد ابنا ويدعون اسمه عمانوئيل» (الذي تفسيره: الله معنا).“ متى1: 18 ـ 23.
وحكى النبي ميخا في القرن 8 قبل الميلاد على البقعة الي باش يتولد فيها المسيح ”بيت لحم“ تقول كلمة ربي:
”اما انت يا بيت لحم افراتة وانت صغيرة ان تكوني بين الوف يهوذا فمنك يخرج لي الذي يكون متسلطا على اسرائيل ومخارجه منذ القديم منذ ايام الازل.“ ميخا5: 2
وفعلا تولد المسيح في بيت لحم.
وتنبأ النبي إرميا (القرن 8 قبل الميلاد) على المجزرة الي باش تاقع وقت الّي هيرودس يلوّج على المسيح باش يقتلو أوّل ما تولد، تقول كلمة ربّي:
”هكذا قال الرب.صوت سمع في الرامة نوح بكاء مر.راحيل تبكي على اولادها وتابى ان تتعزى عن اولادها لانهم ليسوا بموجودين.“ أرميا 31: 15
والنبوءة تحققت بالكامل وقت الي تولد المسيح وسجلهالنا الوحي في الكتاب المقدس، تقول كلمة ربّي:
” حينئذ لما راى هيرودس ان المجوس سخروا به غضب جدا فارسل وقتل جميع الصبيان الذين في بيت لحم وفي كل تخومها من ابن سنتين فما دون بحسب الزمان الذي تحققه من المجوس. حينئذ تم ما قيل بارميا النبي: «صوت سمع في الرامة نوح وبكاء وعويل كثير. راحيل تبكي على اولادها ولا تريد ان تتعزى لانهم ليسوا بموجودين».“ متى 2: 16 ـ 18
ويحكيلنا النبي هوشع (القرن 9 قبل الميلاد) كيفاش باش يمشي المسيح بعدما يتولد لمصر باش ما يقتلوش هيرودس، تقول كلمة ربّي:
”لما كان اسرائيل غلاما احببته ومن مصر دعوت ابني.“ هوشع 11: 1
وتحققت النبوة هذي كالعادة بالتفصيل بعد ما تولد المسيح، تقول كلمة ربّي:
” فقام واخذ الصبي وامه ليلا وانصرف الى مصر وكان هناك الى وفاة هيرودس لكي يتم ما قيل من الرب بالنبي: «من مصر دعوت ابني».“ متى 2: 14 ـ 15.
هذا جزء صغير من النبؤات الي تقالت على ميلاد المسيح، والسؤال الي يلزمك تجاوب عليه: إذا الانسان الي يبقاو يحتفلوا بعيد ميلادو مدة طويلة بعد موتو هو إنسان عظيم، إمّالا أشكون هذا الّي من قبل ما يتولد بمئات السنين والأنبياء تتنبأ على الميلاد متاعو؟
لو عندك سؤال أو أستفسار عن شخص الرب يسوع المسيح والا على الايمان المسيحي والا على كلمة ربي في الانجيل تنجم تتواصل معانا على الماسنجر متاع المسيح في تونس elmassihfitunis