”إنت ما تعرفنيش أنا اشكون“ جملة تسمعها على فم برشه توانسه يقولوها في أوقات مختلفة، مثلا في عركه يقولها الّي كلى على مشومتو للّي غلبو باش يخوفو بيها، وإلّا يقولها واحد منتّف لصاحبتو وإلّا لخطيبتو باش يورّيها الّي هو الصّيد بوقلادة باش يطمّعها وتقبل بيه وإلّا تقبل تخرج معاه، وإلّا تقولها الطفله لصاحبها وإلّا لخطيبها باش تقنعو إلّي هي بنت أصل ومفصل ثمّاشي ما يطيح على راسو ويقبل بيها، وإلّا يقولها واحد حرقتو البطالة وقاعد يدبّر في خدمة لواحد ناوي يخدم عندو ثمّاشي ما ينطّر منّو زوز صوردي يسخّن بيهم أجنابو.
أما بعيد على تطييح المورال على خاطرنا بكلنا توانسه وعارفين بعضنا، خممتشي في نهار من النهارات إنت أشكون في عينين ربّي؟ وكيفاش قاعد يخزرلك؟
إنت إنسان مخلوق على صورة الله، يعني كائن مفكّر وواعي عندك مشاعر وحر في الإرادة متاعك، خلقك ربّي على صورتو باش تكون عندك علاقة بيه.
”فخلق الله الانسان على صورته. على صورة الله خلقه. ذكرا وانثى خلقهم.“ تكوين1: 27
ما جيتش للدنيا في قالب غلطه وإلّا في إطار سهرة عائلية حميمة بين أمّك وبوك.
”قبلما صورتك في البطن عرفتك وقبلما خرجت من الرحم قدستك.“ إرميا1: 5
خلقك ربّي على خاطر يحبّك، حتّى من قبل ما تتخلق ربّي كان يرى فيك بحكم علمو السّابق إنسان كامل تستاهل انك تحيا وتاخذ فرصتك باش تختار إنك تعيش مع ربّي وإلّا تعيش بعيد عليه.
”…ولذاتي مع بني ادم“ أمثال8: 31
أمّا الخطيّة والآثام الّي عملتها شوهتك وبعدتّك على ربّي.
”بل اثامكم صارت فاصلة بينكم وبين الهكم وخطاياكم سترت وجهه عنكم حتى لا يسمع.“ إشعياء59: 2
وكيف ما تحكم على آدم باش يخرج من محضر الله، تحكم عليك انت زادا بالموت.
”لان اجرة الخطية هي موت …“ رومية6: 23
أمّا على خاطر ربّي يحبك، المسيح إختار وقرّر باش يموت هو في عوضك، باش تاخذ انت فرصة ثانية ترجع فيها لله.
”ولكن الله بين محبته لنا، لانه ونحن بعد خطاة مات المسيح لاجلنا.“ رومية5: 8
فاذا تؤمن بالمسيح وتتبعو وتقبل الشفاعة متاعو تاخذ الحياة الأبديّة.
”وكما رفع موسى الحية في البرية هكذا ينبغي ان يرفع ابن الانسان، لكي لا يهلك كل من يؤمن به بل تكون له الحياة الابدية. لانه هكذا احب الله العالم حتى بذل ابنه الوحيد، لكي لا يهلك كل من يؤمن به، بل تكون له الحياة الابدية.“ يوحنا3: 14 ـ 16
وإذا تؤمن بيه وتتعبو باش تكون في البقعة وفي القيمة الّي فيها يسوع المسيح.
”واقامنا معه، واجلسنا معه في السماويات في المسيح يسوع“ أفسس2: 6
ونهار الّي يرجع المسيح للأرض باش يملك ويحكم ترجع زادا انت معاه كملك وكحاكم.
”وجعلتنا لالهنا ملوكا وكهنة، فسنملك على الارض“ رؤيا5: 10
لغة ”ما تعرفنيش أنا أشكون“ ما عندها وين توصلك، على خاطرنا الناس الكل نعرفو إنت أشكون
”انك تراب، والى تراب تعود“ تكوين3: 19
أما إذا إنت مع المسيح، بالمسيح باش تكون ملك. والاختيار يرجع بالكامل ليك إنت.
إذا عندك سؤال أو إستفسار عن الإيمان المسيحي وإلّا على الإنجيل تواصل معانا على الماسنجر وباش تلقى أشكون يحكي معاك ويرشدك.