وقت الّي كنت صغيره، كانت فرحة رمضان كبيره في قلبي. نستنى وقتاش يؤذن المغرب وتتلم العائلة الكل على الطاولة، وتفوح ريحة الشربة والبريك الدنوني في كل دار، وبعد شقان الفطر نتلمّوا قدّام التلفزة نتفرجوا في مسلسل رمضان.
أما من بعد كيف كبرت و تفرض عليّا الصيام. ساقيّا ترخفو وولّيت نبخل على الصيام. ولّيت نحسب وقتاش يوفى رمضان.نعدي النهار الكل فاشله وتاعبه نحسب للمغرب وقتاش يجي بالدقيقة والدرج . نعدي نهاري نشتهي و نتشهّى، ووقت المغرب نلقى الطاولة منصوبة مليانة قدّامي بالخيرات، أما من تعب الصيام ماعاد نجم ناكل حتى شيء.
وقت الّي عرفت المسيح تحرّرت من قيد الفريضه . فهمت إنّو أعمالي مهما كانت صالحه موش هي إلي باش تنجيني. وولّيت نحب الصيام على خاطر فهمت المعنى الحقيقي متاعو. فهمت إلّي الغاية منو هو إنّو يبنني روحيا في علاقتي مع ربي.
الصيام هو فرصة إني نقرب أكثر من المسيح. إني ننفصل على كل ما هو أرضي و نركز أكثر في كل ما هو روحي . متشجعه بوعد ربي ليّا في كلمتو الي تقول:
” أَنَا هُوَ خُبْزُ الْحَيَاةِ. فَالَّذِي يُقْبِلُ إِلَيَّ لَا يَجُوعُ، وَالَّذِي يُؤْمِنُ بِي لَا يَعْطَشُ أَبَداً.“ يوحنا6: 35
الصيام هو فرصة إنّي نركّز أكثر في كلمة ربي، في حضور ربي معايا و في جوهرو. نعيش بعد جديد في علاقتي معاه. كيما في وقت الهدوء، وذنينا تسمع تفاصيل أكثر. وقت الي نكون صايمه في محضر ربي نسمع صوتو أوضح و نفهم شنوه ربي يحب يقلّي أكثر.
«مَكْتُوبٌ: لَيْسَ بِالْخُبْزِ وَحْدَهُ يَحْيَا الإِنْسَانُ، بَلْ بِكُلِّ كَلِمَةٍ تَخْرُجُ مِنْ فَمِ اللهِ!» متى4:4
اليوم رمضان بالنسبة ليّا هو فرصة إنّي نصوم و نصلّي اكثر من أجل التوانسة إلّي مازالوا عايشين تحت نير الفرائض والطقوس إنهم يتحرروا ويعرفوا الحق.
”فَإِنَّكُمْ بِالنِّعْمَةِ مُخَلَّصُونَ، بِالإِيمَانِ، وَهَذَا لَيْسَ مِنْكُمْ. إِنَّهُ هِبَةٌ مِنَ اللهِ، لَا عَلَى أَسَاسِ الأَعْمَالِ، حَتَّى لَا يَفْتَخِرَ أَحَدٌ.“ أفسس2: 8
لو تحب تعرف كيفاش و وقتاش المسيحيين يصومو إتصل بينا على ميسنجر Elmassihfitunis